ТЦА: Дүнжингаравын урд замыг нэг хоног хаана

Улаанбаатар хотод зарим замуудыг хэсэгчлэн хааж, зам засвар шинэчлэлийн ажил хийж байна. Тодруулбал нийслэлийн Баянзүрх дүүргийн 36 дугаар хороо буюу Дүнжингарав худалдааны төвийн урт талын авто замыг 2024 оны наймдугаар сарын 19-ний 04:00 цагаас наймдугаар сарын 20-ны 06:00 цаг хүртэл хааж, зам засврын ажлыг хийх юм байна.

Түүнчлэн өнөөдөр /2024.08.16/ байдлаар нийслэлийн Баянгол дүүрэгт Энхтайваны өргөн чөлөө, “Техник Импорт” ХК буюу Саппорогийн аюулгүйн уулзвараас 25 дугаар эмийн сан хүртэлх магистралийн шугамыг өргөтгөн шинэчлэх ажил явагдаж байна.

Үүний хүрээнд замын зорчих хэсгийн нэгдүгээр эгнээнд тусгаарлах хашаа хайлс тавьж, дулааны шугам шинэчлэх ажлыг авто зам, засвар шинэчлэлийн ажилтай уялдуулан зохион байгуулж буй.

Иймд иргэд, жолооч та бүхэн бусад замыг сонгон хөдөлгөөнд оролцохыг Тээврийн цагдаагийн албанаас анхаарууллаа.

May be an image of road