Палестинчуудын хүнсний хямрал улам хурцдаж буй тул Япон улс олон улсын байгууллагаар дамжуулан томоохон хэмжээний тусламж үзүүлэх шийдвэр гаргажээ. "Дэлхийн хүнс" хөтөлбөрөөр дамжуулан 400 сая иен буюу 2.68 сая ам.долларын тусламж үзүүлэх болсныг Японы Гадаад хэргийн яам мэдэгдэв. Палестины эрх баригчдын хүсэлтийн дагуу эл шийдвэрийг гаргажээ.

Украины дайнаас үүдэн дэлхийн зах зээлд үнэ өссөн тул Палестинд хүнсний хямрал улам даамжирч байгаа аж. Газын зурвас дахь хүн ам тэр чигээрээ өнгөрсөн оны аравдугаар сарын 7-ноос хойш хүнсний хямралтай нүүр тулж байна. "Дэлхийн хүнс" хөтөлбөрийн албан ёсны цахим хуудсанд дурдсанаар Газын зурвас дахь хүн амын 96 хувь нь буюу 2.15 сая хүн өлсгөлөн ба түүнээс ч долоон дор нөхцөл байдалтай байна.

Тус хөтөлбөрөөс сар бүр Газын зурваст тусламж үзүүлж байгаа ч нутаг дэвсгэрийн өмнөд болон төв хэсэгт тусламж хүргэх боломж хязгаарлагдмал байгаа аж. Сүүлийн сар орчмын хугацаанд нүүлгэн шилжүүлэх тушаалаас болж "Дэлхийн хүнс" хөтөлбөрийн бүтээгдэхүүн түгээх 21 цэгийг хаажээ. Хоёр сая гаруй хүнийг нутаг дэвсгэрийн зөвхөн 14 хувьд шахаж байрлуулсанаас гадна ихэнх гарц хаалттай учир хүнс түгээхэд хүндрэлтэй байна.

Эх сурвалж: NHK, WFP