Африк тивд сармагчны цэцэг өвчний дэгдэлт ихэссэнтэй холбогдуулан Дэлхийн эрүүл мэндийн байгууллага /ДЭМБ/ олон улсын түвшинд сэрэмжлүүлэг өглөө. Мөн бусад орнуудад сармагчны цэцэг өвчин тархахаас сэргийлэн эрүүл мэндийн онц байдал зарлав.

ДЭМБ-ын мэргэжилтнүүд дэгдэлтийг хянах, сэргийлэх үүрэгтэй яаралтай зөвлөлдөх комисс байгуулжээ. Ерөнхий захирал Тедрос Адханом Гебрейюс сэтгүүлчдэд хэлэхдээ, нөхцөл байдал "маш түгшүүртэй" байна. Тэрбээр "Өнөөдөр онцгой байдлын хороо хуралдаж, нөхцөл байдал олон улсын түвшинд яригдах ёстой хэмжээнд хүрсэн гэдэгт санал нэгдсэн. Тиймээс дэлхий дахинд онц байдал зарлаж байна" гэж мэдэгджээ.

Бүгд Найрамдах Ардчилсан Конго улсад сармагчны цэцэг өвчний тохиолдлын тоо өнгөрсөн оны үзүүлэлтээс 14,000 гаруй давж бүртгэгдсэн байна. Бүртгэгдсэн тохиолдлын 524 нь тус өвчний улмаас нас баржээ.

Сармагчны цэцэг өвчин нь халуурах, тууралт зэрэг шинж тэмдгүүд үүсгэдэг бөгөөд зэрлэг амьтад болон халдвар авсан хүмүүстэй харьцах замаар тархдаг. ДЭМБ өмнө нь 2022 онд уг өвчний улмаас онц байдал зарлаж байсан ч жил хүрэхгүй хугацааны дараа зогсоосон. Гэхдээ энэ удаагийн дэгдэлт өмнөх үеэс онц ноцтой байгааг анхааруулаад байна.

Эх сурвалж: WHO