Оросын дөрвөн нисэх онгоцны баазыг дайны үеийн хамгийн том алсын тусгалт нисгэгчгүй онгоцоор цохилт өгч, устгасан гэж Украины ерөнхийлөгч Зелеснкий Лхагва гаригт мэдэгдэв.

Тодруулбал, Оросын Воронеж, Курск, Нижний Новгород мужуудад байрлах "Халино", "Саваслейка", "Борисоглебск", "Балтимор" агаарын баазыг устгажээ. Эдгээр баазуудад шатамхай тос, зэвсэг хадгалдаг байсан. Киевийн аюулгүй байдлын албаны эх сурвалж мэдээлснээр нисэх онгоцны баазыг устгасан нь Оросын халдлагыг удаашруулах зорилготой аж. Зеленский "Оросын нисэх онгоцны буудлуудад үнэн зөв, цаг тухайд нь, үр дүнтэй цохилт өгсөнд баярлалаа. Украины нисгэгчгүй онгоцнууд хийх ёстой зүйлээ хийж байна" гэж хэлсэн байна.

Түүнчлэн, эл өдөр Оросын Батлан хамгаалах яам Курск мужид Украины 17 нисгэгчгүй онгоц, дөрвөн тактикийн пуужинг устгасан гэж мэдэгджээ. Украины хувьд 2022 онд дайн эхэлснээс хойш анх удаа томоохон цэргийн үйл ажиллагаа явуулж, Курск мужийг онилоод буй. Өнгөрсөн долоо хоногт эхэлсэн цэргийн ажиллагааны дараа Оросын арми Харьков мужид суурилуулсан байсан тэсрэх бөмбөгийн тоог бууруулж, Курск муж руу шилжүүлсэн байна.

Эх сурвалж:REUTERS