Японы уламжлалт Обон баяр наймдугаар сарын 13-16-ны өдрүүдэд болдог. Энэ баярын амралтаар япончууд гадаадад болон дотооддоо өргөнөөр аялдаг. Баярыг тохиолдуулан энэ амралтын өдрөөр аялахаар төлөвлөж байсан япончуудад цаг агаар саад болох бололтой. Тодруулбал, Ампил хар салхи Японы гол арлын зүүн хэсэг, тэр дундаа Токиог дайран өнгөрч байна.

Японы Төвийн төмөр замын "JR Central" компани Баасан гаригт Токио, Нагояа хотыг холбосон хурдан галт тэрэгний үйлчилгээг цуцлах болжээ. Харин "JR East" компани Баасан гаригийн үдээс хойш Тохокү, Жо-эцү, Хокүрикү, Акита, Ямагата Шинкансэн чиглэлийн тээврийн үйлчилгээг түр зогсооно. Агаарын тээврийн тухайд "All Nippon Airways" болон "Japan Airlines" компаниуд Баасан гаригт 500 орчим нислэгээ цуцална гэж мэдэгдэв.

Эх сурвалж: NHK