Хойд Солонгос улс ирэх арванхоёрдугаар сараас гадаадын аялагч жуулчдад хилээ нээнэ гэж Лхагва гаригт мэдэгдэв. Аялагчид зүүн хойд Самжиён хот зэрэг зарим газарт очих боломжтой болох аж.

Covid-19 цар тахлын улмаас хилийн хатуу хязгаарлалттай байсан Хойд Солонгос руу өнгөрсөн жилээс олон улсын нислэг үйлдэх боломжтой болсон. Оросын цөөн тооны жуулчин өнгөрсөн хоёрдугаар сард Хойд Солонгост иржээ. Үүний дараа зургадугаар сард ОХУ-ын ерөнхийлөгч Путин тэргүүтэй гадаадын өндөр албан тушаалтнууд Хойд Солонгост айлчилсан.

Бээжинд төвтэй "Koryo Tours" компани аялал жуулчлал сэргэж байгаад маш баяртай байгаагаа илэрхийлжээ. Мөн ирэх долоо хоногт орон нутгийн түншүүдтэйгээ аяллын хөтөлбөр, товоо баталгаажуулна.

Хойд Солонгос, Хятадын хилийн ойролцоох Самжиёныг шинэ орон сууц, зочид буудал, цанын бааз, худалдаа, соёл, эмнэлгийн байгууламж бүхий орчин үеийн соёл иргэншилтэй хот болгож байгаа аж. Удирдагч Ким Жон Ун өнгөрсөн сард "Самжиён төсөл"-д хариуцлагагүй хандсан зарим өндөр албан тушаалтныг ажлаас нь халж, албан тушаалыг нь бууруулжээ.

Эх сурвалж: REUTERS