Алдарт телевизийн од Кайли Женнер бага насны хоёр хүүхэдтэй. Түүнийг гоо сайхны мэс заслын аргаар "галбиртай" болсон гэж олон нийт шүүмжилдэг. Гэсэн хэдий ч Кайли Женнер дасгал хөдөлгөөн, эрүүл хооллолттой байхыг чухалчилдаг гэж олон удаа хэлж байв.  Өнгөрсөн жил Кайли Женнер чихрийн шижин өвчтэй хүмүүс хэрэглэдэг "Ozempic"-ийг ашиглан турсан гэх цуу яриа гарчээ. Энэ нь хоёрдугаар хэлбэрийн чихрийн шижинд хэрэглэдэг тарилга юм.

Тодруулбал, ходоодонд ялгардаг "GLP-1" хэмээх дааврын үйл ажиллагааг дуурайх замаар цусан дахь сахарыг зохицуулж, хоол идсэний дараа инсулины шүүрлийг идэвхжүүлж, цатгалан мэдрэмжийг илүү удаан төрүүлдэг үйлчилгээтэй тарилга аж. Мэдээж хэрэг чихрийн шижингүй хүн хэрэглэвэл амь насанд аюултай бүтээгдэхүүн. Сүүлийн үед "Ozempic" тарилгыг турах гэж ашигласан тохиолдол бүртгэгдэж байна. Мөн эдгээр хүмүүс дааврын өөрчлөлтөд орж, урт хугацааны эрүүл мэндийн асуудалтай болжээ.

Гэхдээ үр дүн сайн тул дэлхийн томоохон одод хэрэглэдэг болж, Кайли Женнер бага хүүгээ төрүүлснийхээ дараа ашиглаж ирсэн гэх цуу яриа гарсан юм. Бүтэн жил гаруй хугацаанд Кайли өөрийнх нь талаарх цуу яриаг тоогоогүй, тэвчээр нь алдарсан бололтой үнэнийг хэлсэн байна. Тэрбээр "PageSix" агентлагт хэлэхдээ "Би хэзээ ч тураах бүтээгдэхүүн ашиглаж үзээгүй. Төрснийхөө дараа тодорхой хугацаанд жингээ хасч чадахгүй байсан ч дасгал хөдөлгөөн тогтмол хийж байсан. Би жирэмсэн байхдаа тийм ч их жин нэмдэггүй ч үргэлж эрүүл хооллодог. Би хүүхдүүддээ сайн ээж байхын тулд, тэдэнд үлгэр жишээ ээж болохын тулд хэзээ ч элдэв тураах үйлчилгээтэй бүтээгдэхүүн ашиглахгүй" гэжээ.

Эх сурвалж:PAGESIX