Япон улсын ерөнхий сайд Фүмио Кишида ирэх есдүгээр сард болох намын санал асуулгаар Либерал ардчилсан намын даргаар дахин сонгогдохгүй байх шийдвэр гаргажээ. Энэ нь Кишида дахин ерөнхий сайдын үүргийг гүйцэтгэхгүй гэсэн үг бөгөөд шинэ ерөнхий сайд сонгогдоно.  Тэрбээр Лхагва гаригт болсон хэвлэлийн хурал дээр энэ тухайгаа мэдэгдэж, шинэ ерөнхий сайд болох хүнийг дэмжинэ гэдгээ илэрхийлжээ.

Кишида хэлэхдээ "Энэ удаагийн сонгуульд Либерал ардчилсан нам өөрчлөгдөж, шинэчлэгдэж байгааг ард иргэдэд харуулах нь чухал юм. Тиймээс олон нийтэд ил тод байж, мэтгэлцээн өрнүүлэх нь зөв зүйл юм. Либерал ардчилсан нам илүү чадварлаг болж байгааг батлахын тулд миний бие огцрох шийдвэр гаргасан. Мөн удахгүй болох намын даргын сонгуульд нэр дэвшихгүй" гэжээ.

Кишида 2021 оны есдүгээр сард намын даргаар гурван жилийн хугацаатай сонгогдсон бөгөөд удалгүй бүх нийтийн сонгуульд ялалт байгуулсан. Гэсэн хэдий ч энэ хугацаанд Либерал ардчилсан намтай холбогдох авлигын хэргүүд илэрснээр түүний рейтинг буурчээ. Мөн ерөнхий сайд Шинзо Абэгийн үхэлд тус намын 10 гишүүн холбогдсон нь ард иргэдийн дунд Кишидаг муу удирдагч гэж үзэх үзэл нэмэгдсэн юм. Тиймээс Япон улсын сайн сайхны төлөө Кишида огцрох болсон гэж орон нутгийн хэвлэлүүд мэдээлж байна.

Эх сурвалж: ALJAZEERA