"Real Madrid" багийн хөлбөмбөгчин Винисиус Жуниорт Саудын Араб нэг тэрбум ам.долларын гэрээ санал болгожээ. Эх сурвалжийн мэдээлснээр, "Saudi Pro League" клубын төлөөлөгч Винисиуст нэг улиралд 218 сая ам.долларын үнэ бүхий таван жилийн гэрээ, нэмэлт мөнгө санал болгосон аж. Түүнчлэн, 2034 онд болох  Дэлхийн аварга шалгаруулах тэмцээн хүртэл Саудын Арабын элч төлөөлөгчөөр ажиллах санал тавьсан байна.

Винисиусын хувьд "Real Madrid"-ийг орхих төлөвлөгөөгүй байгаа ч саналыг бодолцон үзэж буй.

Тэрбээр 2018 онд Бразилийн "Flamengo" клубээс "Real Madrid"-д элссэн бөгөөд сүүлийн жилүүдэд гол тоглогчдын нэг болжээ. Өнгөрсөн улиралд Винисиус 39 тоглолтод 24 гоол оруулж, 11 оновчтой дамжуулалт өгснөөр Реал Аваргуудын лиг болон "La Liga" аварга болсон. Хэрэв тэр Саудын Арабд элсвэл тус улсын хамгийн шилдэг тоглогч болж, удаа дараа "Ballon d’Or" шагналын эзэн болох нь дамжиггүй.

"Saudi Pro League" клубт дэлхийн хамгийн алдартай хөлбөмбөгчид болох Кристиано Роналдо, Неймар, Карим Бензема нар тоглодог бөгөөд Винисиус шиг залуу одын хувьд чадвараа ахиулах гайхалтай боломж юм. Өнгөрсөн жил Францын алдарт довтлогч Килиан Мбаппед Саудын Арабын Аль-Хилал клуб 775 сая ам.долларын санал тавьсан боловч татгалзсан байдаг. "Saudi Pro League" нь Аль-Ахли, Аль-Иттихад, Аль-Хилал, Аль-Наср зэрэг дөрвөн багийн бүтэцтэй бөгөөд Саудын Арабын Төрийн хөрөнгө оруулалтын сан буюу үндэсний баялгийн сан дийлэнх хувийг нь эзэмшдэг.

Эх сурвалж: CNN