АНУ-ын ерөнхийлөгч Дональд Трамп болон Элон Маск нар өнөөдөр /2023.08.13/ хоёр цаг гаруйн хугацаанд ярилцлага хийжээ. Тэд ирэх арваннэгдүгээр сард болох сонгуулийн талаар болон Дональд Трампийн мөрийн хөтөлбөр, Камала Харрисын талаар ярилцсан байна. Ярилцлагын эхэнд Элон Маск болон Дональд Трамп нар нэг нэгнээ магтан сайшааж байв. Элон Маск хэлэхдээ "Таныг тийм аюултай нөхцөл байдлаас гарсан гэдэгт итгэхгүй байна. Мөн буудуулсан ч гэсэн тэмцэхийг уриалж байсныг хараад дэмжих ёстой гэдгээ ойлгосон" гэв. Дональд Трамп мөн адил түүнийг магтан сайшааж, дэлхийг хөдөлгөх хүчтэй бизнесийг удирдаж байгаа хүн зөв сонголт хийх нь гарцаагүй гэжээ.

Өнгөрсөн сард Дональд Трамп өөрийг нь хөнөөх оролдлогоос амьд гарснаар олон нийт түүнийг сайшааж, холбооны шүүх дөрвөн хэргийг нь хэрэгсэхгүй болгосон. Мөн 2021 оноос хойш цахим платформ ашиглах эрхээ хасуулсан Трамп "X" платформ дээр албан ёсны цахим хаягтай болжээ. Элон Масктай ярилцах үеэрээ Дональд Трамп ерөнхийлөгчөөр дахин сонгогдох бол цагаачлалын хуулийг чангатгахаа мэдэгдэж, хууль бус дүрвэгсдийг хүчээр эх орноосоо гаргана гэсэн байна. Өнгөрсөн 2020 оны ерөнхийлөгчийн сонгуулийн үеэр Элон Маск ерөнхийлөгч Жо Байденг дэмжиж байсан ч төд удалгүй бодлоо өөрчилсөн байдаг. Адилхан бизнесийн хүмүүс тул энэ удаад Элон Маск Дональд Трампийг дэмжих болсноо илэрхийлсэн байна. Ярилцлага цаг гаруй үргэлжилсний дараа техникийн саатал гарч, 40 гаруй минут олон нийтийн телевизийн суваг ажиллагаагүй болсон. Энэ хугацаанд Дональд Трамп болон Элон Маск нар юу ярьсан нь тодорхойгүй ч эх сурвалжийн мэдээлснээр шинэ Америкийг бүтээн босгох талаар ярилцаж байсан гэв.

Эх сурвалж: REUTERS