Энэ жилийн олимпийн наадамд "Breakdance" төрөл шинээр нэмэгдэж буй. Эрэгтэй, эмэгтэй бүжигчид спортын тэмцээнд оролцох болсон нь "Breakdance" биеийн бүх булчинг ажиллуулдаг болох нь батлагдсан гэлтэй. Тэгвэл эмэгтэйчүүдийн "Breakdance" төрөл цахим сүлжээнд "шинэ салхи" орууллаа. Тэр дундаа Австралийг төлөөлөн оролцож буй "B-girl" Рэйчел Ганн буюу Raygun өөрийн өвөрмөц, хошин бүжгээрээ олон нийтийн нүдийг баясгалаа.

Raygun нь 36 настай Сиднейн Маккуари Их Сургуулийн багш бөгөөд бүжгийн спортоор хичээллэж, үе тэнгийн залуусаа идэвхтэй байхыг уриалдаг. Гэхдээ түүний үзүүлбэр жинхэнэ "Breakdance" мөн эсэх нь эргэлзээтэй байжээ. Өнгөрсөн Бямба гаригт Парис хотын Пла де ла Конкорд цэнгэлдэх хүрээлэнд "Breakdance" төрлийн эмэгтэйчүүдийн тэмцээн болж өндөрлөсөн.

Нийт 32 бүжигчин/тамирчин өөрсдийн ур чадвараа харуулсан бөгөөд Японыг төлөөлөн оролцож буй "B-girl" Ами алтан медалийн эзэн болсон.

Өөрийн бүжгээрээ цахим орчны доог тохуу болсон Raygun медалийн болзол хангаж чадаагүй ч дэлхий нийт түүнийг хэрхэн бүжиглэж байгааг харсан. Түүнийг цахим сүлжээнд элэглэж байсан ч эергээр хүлээн авч магтан сайшаасан хүмүүс ч бий. Raygun-ийн хувьд 20 гаруй наснаасаа эхлэн "Breakdance" төрлөөр хичээллэж эхэлсэн бөгөөд 2023 оны "Oceana" аварга шалгаруулах тэмцээнээс шагнал хүртэж байжээ. Мөн жазз, кран, хип хоп гэх мэт бүжгийн бусад төрлөөр хичээллэдэг ба олимпийн наадамд орж үзсэндээ сэтгэл хангалуун байгаа гэдгээ илэрхийлжээ.

Эх сурвалж: CNN