"Counter Strike 2" тоглоомын төрөл болох "IEM Cologne 2024" тэмцээн Герман улсын Кёльн хотод болж байна. Энэ наймдугаар сарын 7-18 хооронд үргэлжлэх юм. Тус тэмцээн нэг сая ам.долларын шагналын сантай бөгөөд дэлхийн шилдэг 24 баг оролцож байна.

Азийн чансааг тэргүүлэгч Монголын "The MongolZ" баг /2024.08.10/ дэлхийн чансааны хоёрдугаарт бичигдэж буй, "donk" тэргүүтэй Оросын алдарт "Spirit" багтай тоглож, 2-0 гэсэн харьцаатай хожсон.

Харин өнгөрсөн шөнө А хэсгийн доод шатны эхний тоглолтоо Бразилын “paiN Gaming” багийн эсрэг хийж, 1:2 онооны харьцаатай ялагдал хүлээлээ. Ийнхүү тэд тус тэмцээнийг өндөрлүүлж, 16 мянган ам.долларын шагналын санг хүртэж байна.