АНУ-ын Калифорни мужийн Лос Анжелес хотод Даваа гаригийн үдээс хойш хүчтэй газар хөдлөлт болж, олон сая иргэд цочролын байдалтай байна. Тус улсын Геологийн албаны мэдээлснээр, 4.4 баллын хүчтэй газар хөдлөлтийн голомт Холливудын алдарт тэмдэг болон Гриффитийн ажиглалтын төвөөс холгүй орших Лос Анжелес мужийн Хайланд Парк орчимд, "PST" 12:20 (BST 20:20) орчимд болсон. Мөн ойролцоох Пасадена, Глендейл хот, Манхэттэн далайн эрэг, Эль Сегундо зэрэг газруудад мэдрэгдсэн. Газар хөдлөлт цунами үүсэх эрсдэл дагуулаагүй аж.

Онцгой байдлын алба газар хөдлөлтийн улмаас иргэд хохирсон эсэхийг шалгаж байгаа ч одоогоор ноцтой дуудлага бүртгэгдээгүй байна. Мөн Лос-Анжелесийн Гал түймэртэй тэмцэх албаны 106 ажилтан хотын бүтцэд эвдрэл, гэмтэл гарсан талаар судалж байгаа юм. Газар хөдлөлтийг анх 4.7 баллын хүчтэй гэж таамаглаж байжээ. Учир нь тус бүс нутагт өнгөрсөн долоо хоногийн хугацаанд хэд хэдэн удаа 4 ба 5 баллын хүчтэй газар хөдлөлт болсон.

Эх сурвалж:BBC