JAH KHALIB MONGOLIA 2024

Хаана: HIT PARK

Хэзээ: 2024.08.17 10:00 цагт

Зохион байгуулагч: DD Entertainment

Үргэлжлэх хугацаа: 12 цаг

Насны ангилал: 18+

Тоглолтын төрөл: Концерт

Тасалбарын үнэ 150.000 төгрөг, Early bird ticket 109 мянган төгрөг. VIP ticket 2 сая төгрөг

Youtube-д 1.62 сая subscribe-тай, Instagram-д 2.5 сая дагагчтай ДЭЛХИЙН ШИЛДЭГ артистуудын нэг болох JAH KHALIB  Монголд ганцхан удаа өөрийн бүрэн хэмжээний тоглолтоо албан ёсоор хийхээр болсон билээ.

 "ЭНЭ МӨЧ" LIVE CONCERT

Монголын орчин үеийн хөгжмийн чиг хандлагыг тодорхойлж буй эмэгтэй репперүүдийн төлөөлөл бол Mrs.M. Түүний хувьд реппер Гинжинтэй хамтарч уран бүтээлээ туурвиад таван жил болжээ. Тэдний хамтран дуулсан "Энэ мөч" "Бороо" "Сувгаа соль" "ATM" "Ganbei"  "Goy te" зэрэг уран бүтээлийг нь  үзэгч, сонсогч хэдийнэ мэддэг болсон билээ. Энэ хугацаанд хамтарсан бүрэн хэмжээний тоглолт хийж байгаагүй бөгөөд наймдугаар сарын 17-нд Төв цэнгэлдэх хүрээлэнд болох "Энэ мөч" тоглолт нь хамгийн анхны тоглолт нь юм. Реппер Гинжин, Mrs.M нарын хамтарсан “Энэ мөч“ тоглолт олон хэсгээс бүрдсэн, зочин артистуудтай, өвөрмөц шийдэл бүхий байх юм.  Таван хэсэг бүхий "Энэ мөч" тоглолтын гол уран бүтээлчид болох Гинжин, Mrs’M нар тоглолтын бүх хэсэгт дуулж, шинэ уран бүтээлүүдээ ч хүргэх гэнэ.  Тоглолтод 20 гаруй ураг бүтээлч, артистууд урилгаар ирж уран бүтээлээ толилуулах аж.

Тоглолтын найруулагчаар "SKIN ENTERTAINMET"-ийн захирал, ерөнхий найруулагч Б.Анар ажиллаж байгаа аж.

 ХАРАНГА – АМЬДРАЛ 35

Харанга хамтлагийн хувьд 1989 онд байгуулагдсан бөгөөд өдгөө 35 жил болжээ. Түүнээс хойш 10 гаруй удаагийн том хэмжээний тоглолт хийж,  Монгол Улсаа хоёр удаа тойрон аялж тоглолтоо хийж байжээ.  Тус хамтлагийнхан 2018  онд 30 жилийн ойгоо угтан "Хайрла" тоглолтоо үзэгч фэнүүддээ толилуулж байсан. Тэгвэл энэ онд "Харанга " хамтлагийн 35 жилийн ой тохиож буй. 35 жилийнхээ ойгоор Төв цэнгэлдэх хүрээлэнд "Харанга-Амьдрал 35" нэртэй тоглолтоо наймдугаар сарын 24-нд хийхээр болжээ. "Харанга" хамтлагийн хувьд Төв цэнгэлдэх хүрээлэнд анх удаа тоглолтоо хийх гэж буйгаараа онцлог. Тоглолтод "Соёл-Эрдэнэ", "Айзам", "Чингис хаан", "Хурд", "Шар айраг" хамтлаг, поп дива Б.Сарантуяа, С.Наран, Б.Баярцэцэг, "Никитон", "Хар сарнай", "Чоно", "Номин талст", "Татар", "The Lemons", "A Sound", "Fire", "Freezone", "X-Vit", "Sun Juniper", "The Galtman" хамтлаг, дуучин Н.Наранбаатар, "Immortal Songs" нэвтрүүлгийн уран бүтээлчид зэрэг нийт 35 хамтлаг, дуучид ая дуугаа өргөнө.

“Харанга” хамтлагийн 35 жилийн ойд зориулсан “АМЬДРАЛ” амьд хөгжмийн наадмын Ерөнхий зохион байгуулагчаар “PPL”, хамтран зохион байгуулагч “M Karaoke” ажиллаж байгаа аж.

"THE LEGACY" BIG CONCERT

Хаана: HIT PARK

Хэзээ: Наймдугаар сарын 24-нд

Тасалбарын үнэ: Үндсэн үнэ 80 мянган төгрөг. Early bird ticket 50 мянган төгрөг.

“ПУУЖИН БАЯРАА”

Реппер Rokit Bay 2011 онд “Нэг өдрийн хаан” дуугаараа олонд танигдаж байсан. Түүнээс хойш “Бор арьст гамп” эхнэртэйгээ хамтран  “Хязгааргүй” зэрэг уран бүтээлээ гаргасан билээ. Хэсэг чимээгүй байсан тэрбээр энэ онд “Жингүйдсэн пуужин”, “Yanjinlham” зэрэг дуугаа олны хүртээл болгосон. Бас нэг олны анхаарал татсан зүйл нь Реппэр FLA “ Shaaltsii” дуугаараа түүнийг дисс хийсэн. Үүний хариуд Rokit Bay “Blaavgai” дууг гаргасан уг дуу нь 15 цагийн дотор 1.1 сая хандалт авсан юм. Эхнэрийнхээ дуулсан “Галт шувуу” хэмээх уран бүтээлд нь продюсероор ажилласан ба тэд хамтдаа дууныхаа үгийг бичсэн. Мөн “Хязгааргүй” нэртэй уран бүтээлээ хамтран дуулснаар түүний эхнэр чамгүй дуучин гэдгээ харуулаад буй. Тэгвэл Rokit Bay үзэгч фэнүүддээ зориулан 2024 оны есдүгээр сарын 14-нд Төв цэнгэлдэх хүрээлэнд "Пуужин Баяраа" тоглолтоо хийхээр болжээ. Мөн "ODYSSEY" нэртэй тав дах цомгоо тун удахгүй худалдаанд гаргахаар болжээ. Тоглолт зургаан цаг үргэжлэх аж. Тасалбарын үнэ 79000-129000 төгрөгөөр худалдаалагдаж байгаа юм байна.

"SUPER CONCERT-2024"

Буянт-Ухаа цогцолборт 2024 оны есдүгээр сарын 15-нд "SUPER CONCERT-2024" тоглолт болно. Уг тоглолтод бидний сайн мэдэх "Миний байшин" Өмнөд Солонгосын алдарт олон ангит кинонд тоглосон  Өмнөд Солонгосын алдарт дуучин, жүжигчин Rain тэргүүтэй дэлхийн одод оролцоно.

• Super Couple тасалбар нь 300,000 төгрөгийн үнэтэй бөгөөд 500 ширхэг борлуулагдана.
• Тасалбарын үндсэн үнэ 200,000 төгрөг бөгөөд найзуудаараа, хосоороо ирэх фенүүдэд зориулан хоёр тасалбарыг 300,000 төгрөгт авах боломжийг 500 хосод олгож байгаа аж.