Элон Маск ашгийн бус сурталчилгааны компанийг хууль бусаар "X" платформ дээр бойкот бүхий сурталчилгаа явуулсан хэргээр шүүхэд өгчээ. Тэрбээр шүүхэд нэхэмжлэл гаргаснаас хэдхэн  хоногийн дараа тухайн сурталчилгааны компани хаагдсан байна. Тодруулбал, "Хариуцлагатай хэвлэл мэдээллийн Global Alliance" буюу "GARM" гэгддэг компани нь Дэлхийн Сурталчилгааны Холбооноос  эрхлэн явуулдаг сайн дурын зар сурталчилгааны салбар юм. Энэ нь "Х" платформ дээр сурталчилгаа явуулдаг байсан тул Элон Маск тус сурталчилгааны утга нь бойкот арга хэмжээг хэрэглэгчдэд сэдэл болгон хүргэж байна гэж үзжээ.

"GARM" шүүхийн нэхэмжлэл гарснаас хэд хоногийн дараа мэдэгдэл гаргаж, "Манай байгууллага нь ашгийн бус, жижиг санаачлага төсөл хэрэгжүүлдэг. Харамсалтай нь үйл ажиллагаа буруу тайлбарлагдсанаас болж санхүүгийн алданги хүлээж байна. Тиймээс үйл ажиллагаагаа зогсооход хүрлээ" гэжээ. Тус компани хаагдаж байгаа нь Элон маск болон "Х" -ийн хувьд түр хугацааны ялалт юм. Шүүхийн шийдвэр хараахан гараагүй байгаа ч "GARM" өөрсдийн эрх ашгаа хамгаалахын тулд хуулийн хэмжээнд чадах хэмжээгээрээ өрсөлдөнө гэжээ. "GARM" нь 100 гаруй гишүүнтэй. Эдгээр гишүүдийн дөрөв нь болох "CVS", "Unilever", "Mars" болон Данийн эрчим хүчний компани "Ørsted" нь Мягмар гаригт Техасын холбооны шүүхэд гаргасан нэхэмжлэлийн дагуу яллагдагчаар тодорчээ. Тус компани 2019 онд Шинэ Зеландын Кристчерч хотод болсон исламын сүмд гарсан буудалцааны дараа байгуулагдсан.

Эх сурвалж:CNN