Хамас бүлэглэлийн улс төрийн удирдагч Исмаил Хание долдугаар сарын 31-ний өдөр Иранд хөнөөгдсөн үйл явдлаас болж Исламын хамтын ажиллагааны байгууллага яаралтай хурал зарлажээ. Тус хуралд Ираны гадаад хэргийн сайд оролцож Израилийн эсрэг арга хэмжээ авахад туслалцаа үзүүлэхийг бусад орнуудаас хүсчээ.

Исламын хамтын ажиллагааны байгууллага нь Ойрхо Дорнод , Африк, Азиийн 57 гишүүн орнуудтай байгууллага юм. Энэ удаагийн хурал Саудын Арабын Жидда хотноо Лхагва гаригт зохион байгуулагдсан байна. Ираны гадаад хэргийн сайдын үүрэг гүйцэтгэгч Али Багери гишүүн орнуудад хандаж, Израилийн эсрэг арга хэмжээ авахад туслан, хууль ёсны дагуу улсаа хамгаалах боломж олгохыг хүссэн байна.

Мөн Израиль цаашид Ираны бүрэн эрхт байдал руу халдаж, хууль зөрчихөөс өмнө Исмаил Ханиегийн өшөөг авч, цаг алдалгүй зохих журмын дагуу арга хэмжээ авах шаардлагатай байгааг Али Багери удаа дараа онцолсон . Гишүүн орнууд Израилийг буруутгаж байгаа ч бүс нутаг дах дайн хурцадмал байдалд орж, хүрээгээ тэлж магадгүй гэж санаа зовниж буйгаа илэрхийлсэн байна. Ираны хамт Ливанд төвтэй Хезболла бүлэглэлийн төлөөлөгч оролцсон бөгөөд Израилийн эсрэг хариу арга хэмжээ авахаа амласан байна.

Эх сурвалж: ALJAZEERA