АНУ-ын буу үйлдвэрлэгчдийн эсрэг Мексик 10 тэрбум ам.долларын нэхэмжлэл гаргасан байна. Гэвч тухайн нэхэмжлэлийг Аризона мужийн шүүгч Деннис Сэйлор хэрэгсэхгүй болгов. Тодруулбал, Мексикийн эрх баригчид "Sturm", "Ruger", "Glock" зэрэг алдартай зургаан зэвсгийн брэнд тус улсын хар тамхины наймаачдад хууль бус зэвсэг нийлүүлж байна гэж үзжээ.

Гэхдээ тухайн зэвсгүүд нь хүнд хохирол учруулсан эсэх нь тогтоогдоогүй юм.

Тиймээс, шүүгч Деннис Сэйлор Мексикийн талын өмгөөлөгчдөд давж заалдах эсвэл өөр мужид хэрэг үүсгэх боломжуудыг санал болгосон байна.  Нэхэмжлэлд дурдсанаар, зэвсэг нийлүүлж буй компаниуд Мексикт хүчирхийлэл, гэмт хэрэг өсөхөд хувь нэмэр оруулсан , хууль бусаар худалдан борлуулсан гэж бичсэн байжээ. Гэхдээ "Sturm", "Ruger", "Glock" зэрэг зэвсэг нийлүүлэгчид нь АНУ-ын хуулиар хамгаалагдсан байдаг аж.

Эх сурвалж: GUARDIAN