Италийн загварыг аварга брэнд "Dolce & Gabbana" брэнд цоо шинэ үнэртнийг танилцуулжээ. Энэ нь тэжээвэр нохдоо сайхан үнэртүүлэх хүсэлтэй эздэд зориулсан сүрчиг юм. Загвар зохион бүтээгч Доменико Дольче өөрийн үнэнч анд Фефе нохойндоо үнэртэй ус гаргах гэж сүрчгийн мастер Эмили Коппермантай хамтарчээ. Бэлэн болох үед нь "Fefé" гэж нэрлэсэн бөгөөд илангийн хүр хорхойн үүр, заар, зандан модны дулаан ноотыг агуулсан.

Гялалзсан ногоон савлагаатай 100 мл "Fefé" сүрчиг 109 ам.долларын үнэтэй.

"Dolce & Gabbana"-гийн албан ёсны сайт дээр борлуулагдаж эхэлсэн бөгөөд тайлбар хэсэг дээр нь "Би эмзэг, дур булаам, жинхэнэ, мэдрэмжтэй, оньсого мэт, тэрслүү, шинэлэг, тэсвэрлэшгүй, цэвэрхэн. Учир нь би энгийн нохой биш. Би бол Фефе" гэсэн байв. Худалдан авагч "Fefé" сүрчгийг нохойндоо түрхэхдээ гар дээрээ эсвэл нохойныхоо сам дээр цацаж, зөөлөн элэх маягаар хэрэглэх аж. түүнчлэн, "Dolce & Gabbana" "Fefé" сүрчгийн ашгаар нохойд зориулсан тусламжийн үйл ажиллагаа явуулна гэж мэдэгджээ.

Эх сурвалж:CNN