Ирэх арваннэгдүгээр сард болох АНУ-ын ерөнхийлөгчийн сонгуульд нэр дэвшигч Камала Харрис өөрийн дэд ерөнхийлөгчөөр Тим Уользыг сонгосон байна. Филадельфи мужид болсон кампанит арга хэмжээний үеэр Харрис өөрийн хамтрагчаа хөтлөн гарч ирсэн бөгөөд Уольз өрсөлдөгч намын Трампийг " гачин амьтан" гэсэн байна.  Тим Уольз өдгөө 60 настай бөгөөд хөдөө аж ахуйн салбарыг голчлон авч ажилладаг. Түүний хувьд орон нутагт төрж, өссөн тул тэр талын мэдлэг арвин гэж шинжээчид үзэж байна.

Миннесота мужийн амбан захирагчаар хоёр удаа ажиллаж байсан Уольз зүүний үзэл баримтлалыг өргөн хүрээнд хэрэгжүүлсэн.

Мөн мужийнхаа түүхэнд хамгийн үр бүтээлтэй хууль тогтоох үйл ажиллагааг явуулж байжээ.  Ардчилсан намын гишүүний хувьд Уольз муждаа үр хөндөх эрхийг баталгаажуулж, галт зэвсгийн эсрэг хориг арга хэмжээ авсан ба гэр бүлийн цалинтай чөлөө олгох зэрэг хууль тогтоомжийг гаргасан. "Covid-19"-ийн үед үнэ төлбөргүй маск тарааж, аж ахуйн нэгж, сургуулийн үйл ажиллагааг хааж байсан ч сөрөг Бүгд найрамдах нам түүнийг 2020 онд Жорж Флойдын үхлийг шалгах байсан Үндэсний гвардыг хойшлуулсан  гэж буруутгадаг.  Тим Уольз дэд ерөнхийлөгчөөр өрсөлдөх болсонд Бүгд найрамдах намын гишүүд дургүй байна. Тодруулбал, Охайо мужийн сенат Вэнс сэтгүүлчдэд Уользыг либерал хэт даврагч, америк хүн бүрийг хар дарсан зүүд зэргээр буруутгажээ.

Эх сурвалж: BBC