Япон улсын хууль зүйн сайд Коизуми Рюжи Украинд авлигатай тэмцэхэд нь туслахаар болжээ. Авлига нь Украин олон улсын хамтын нийгэмлэгээс илүү их дэмжлэг авахын тулд шийдвэрлэх шаардлагатай тулгамдсан асуудал юм.

Коизүми Даваа гаригт Украины нийслэл Киевт айлчлах үеэрээ тус улсын хууль зүйн сайд Денис Малиуска, ерөнхий прокурор Андрей Костин нартай уулзав. Украины өндөр албан тушаалтнуудын хэлснээр төрийн албан хаагчдын дунд өргөн тархсан авлига нь олон улсын дэмжлэгийг авахад саад болж байгаа юм. Хэлэлцээний үеэр Коизүми, Малиуска нар мөрдөн байцаах байгууллагын боловсон хүчнийг сургах, хууль тогтоомж боловсруулах чиглэлээр хамтран ажиллах санамж бичигт гарын үсэг зурсан байна.

Японы албаныхан Ази тивд ийм төрлийн тусламж үзүүлж байсан туршлагатай гэж мэдэгджээ. Малиуска эдийн засаг, дипломат болон хууль эрх зүйн дэмжлэг үзүүлж байгаад Японы талд талархал илэрхийлж, Украины чухал түнш юм гэжээ. Коизуми хэлэхдээ, улс орны сэргэлт нь олон улсын хамтын нийгэмлэгийн сэргээн босголтын санхүүжилтийг шударга, ил тод хуваарилахаас шалтгаална гэсэн байна.

Эх сурвалж: NHK JAPAN