Бангладешийн төрийн ажлын байрны квотыг эсэргүүцсэн жагсаал 300-аад хүний аминд хүрч, 10,000 гаруй хүнийг баривчилсны дараа дуусах бололтой. Тодруулбал, тус улсын ерөнхий сайд Шейх Хасина огцорч, эх орноосоо дүрвэжээ. Олон улсын мэдээллийн агентлагуудын мэдээлснээр, Шейх Хасина эмэгтэй дүүгийн хамт "аюулгүй газар" луу дүрвэсэн гэв. Тэд армийн нисдэг тэрэгт сууж байхыг хамгийн сүүлд сэтгүүлчид олж харсан байна.

Хасина хаана байгаа нь тодорхойгүй байгаа ч түүнийг Энэтхэг рүү явсан байх магадлалтайг шинжээчид онцлов.

Хөл хорио тогтоож, интернэтийг хаасан ч жагсаал үргэлжилсэн хэвээр байсан бөгөөд жагсагчид Дака дахь Хасинагийн ордон руу дайран оржээ. Цагдаагийн байгууллага түүний ордныг хамгаалах гэж хичээсэн ч жагсагчид хүчтэй байна. Гэсэн хэдий ч Ням гаригийн байдлаар жагсаал улам хурцадмал байдалд орж 90 хүн нас барсан байна.  Энэхүү жагсаал нь Бангладеш 1971 онд байгуулагдсан цагаас хойш хамгийн их цус урсгасан анхны үйл явдал юм. Шейх Хасина сүүлийн 15 жилийн турш тус улсыг удирдаж байсан ч оюутан, залуусын дургүйцлийг хүргэсэн шийдвэр гаргаснаас болж огцорч байна.

Эх сурвалж: BBC