Японд цаг агаар хэт дулаарч байгаа тул иргэд үүнээс үүдэлтэй элдэв өвчин, эмгэгийн даатгалд хамрагдах болсон байна. Тодруулбал, хэт халуун өдөр гадаа гарах, арга хэмжээнд оролцох бол нэг өдрийн "хэт халууны даатгал"-д хамрагдах юм. Өнгөрсөн долдугаар сард Японы өнцөг булан бүрт 40 хэмээс дээш байсан тул даатгуулагчид даатгалын компанидаа мөн адил хэт халууны даатгалд хамрагдахыг хүсч байгаагаа илэрхийлж эхэлжээ.

Зуны улирал эхэлснээс хойш 12,000 гаруй хүн халуунд бие нь муудсан тул эмнэлэгт хэвтэн эмчлүүлсэн байна. "Sumitomo Life Insurance Co" 2022 оноос хойш хэт халалтын даатгалыг санал олгож байгаа бөгөөд долдугаар сарын 25-ны байдлаар даатгалд хамрагсдын тоо 100,000-аас давж, долдугаар сарын 16-наас хойш ердөө 10 хоногийн дотор 30,000 орчим нэмэгджээ.

Даатгалд хамрагдаж буй хүн сарын болон өдрийн гэх үйлчилгээнээс сонгох боломжтой бөгөөд даатгалын хугацааг долоо хоног хүртэлх хугацаанд шийдэх аж. Өдрийн даатгалын үйлчилгээнд хамрагдах бол өглөөний 09:00 цагаас өмнө хүсэлтээ өгсөн байх ёстой аж. Мөн нэг өдрийн даатгалын шимтгэл нь 100 иен бөгөөд даатгуулагч хүн халуун цохиулж, судсаар эмчилгээ хийлгэсэн бол 10,000 иен авах юм байна.

Эх сурвалж: JAPAN TODAY