Монгол Улсын Төрийн соёрхолт “Харанга” хамтлаг наймдугаар сарын 24-нд “Амьдрал-35” тоглолтыг Төв цэнгэлдэх хүрээлэнд хийх болсон байна. Энэ талаар хамтлагийн гишүүд өнөөдөр /2024.08.05/ мэдээлэл хийлээ.

“Харанга” хамтлагийн ахлагч, Монгол Улсын гавьяат жүжигчин Ц.Энхманлай:

-“Харанга” хамтлаг “Амьдрал -35” нэртэй тоглолтоо хийх гэж байна. Зөвхөн Харангын ой тэмдэглэх маягаар бус амьд хөгжмийн наадам болгон зохион байгуулъя гэж шийдээд бэлтгэлээ хангаад явж байна.

“Харанга” хамтлагийн гитарчин, Урлагийн гавьяат зүтгэлтэн Ц.Чулуунбат:

-Хорвоо дэлхий бидэнд агуу хайраа өгч, 35 жил ард түмэндээ дуу хуураа хүргэж явсан нь аз завшаан юм. Талархаж байна, энэ бүгдэд. Ээж аавдаа, хань ижилдээ, энэ сайхан Монгол орондоо Монголын ард түмэндээ  маш их талархаж байна. 35 жилийн турш хамтдаа байсан бүх хүмүүстээ баярлалаа.

“Харанга” хамтлагийн бөмбөрчин, Монгол Улсын гавьяат жүжигчин Н.Пүрэвдаш:  

-Энэ сайхан өдөр та бүхэнтэйгээ уулзаж байгаадаа маш их баяртай байна. Миний хэдэн найзууд бид хэд олон жил зорьсон зорилгодоо хүрч, ойн баяраа хийж байна.

“Харанга” хамтлагийн гитарчин, Урлагийн гавьяат зүтгэлтэн Я.Одсүрэн:

-Бид тав 35-аас илүү олон жил гитар хөгжмөөр найзалж өдрий хүрсэн. “Харанга” гэдэг нэр аваад 35 жил болж байна. Энэ сайхан ойн арга хэмжээнд бүх рок попын хөгжимчид хамтлагийнхантайгаа нэгэн үдшийг өнгөрүүлэх гэж байгаадаа бид бүгд баяртай байна.

“Харанга” хамтлагийн гоцлол дуучин, Монгол Улсын гавьяат жүжигчин Х.Лхагвасүрэн:

-35 жилийн ой маань суух эрх өгдөг юм байна. Ээж  аав, эмэг өвгөд, эх орон, Монголын урлагийн бурхаддаа бүгдэд нь баярлалаа гэж хэльв. Тавуулаа эхлүүлээд тавуулаа 35 жил болно гэдэг хүний нэг насанд гайхамшигт зүйл байх гэж бодож байгаа.  Мөчир бүтэн мод, өрх бүтэн айл байдаггүй гэсэн. Гэтэл бид сууж байгаа нь үнэхээр их хувь заяа юм, тэмдэглэхгүй байхын аргагүй юм.  2024 оны  наймдугаар сарын 24-нд цэнгэлдэхийг дүүргэж тэр өдрийг гайхалтай мартагдашгүй сайхан өнгөруүлье.

Тоглолт зохион байгуулагч Ж.Дамдинцэрэн:

“Харанга” хамтлаг маань анх 1989 оны арванхоёрдугаар сарын 26-нд Драмын эрдмийн тетарт “Амьдрал” нэртэй анхны тоглолтоо хийж байсан.

Түүнээс хойш 10 гаруй удаагийн том хэмжээний тоглолт хийж байсан. Монгол Улсаа хоёр удаа тойрон аялж тоглолтоо хийсэн.  Төв цэнгэлдэх хүрээлэнд “Харанга” хамтлаг маань анх удаа тоглолтоо хийх гэж байна. Тоглолтын нэрийг ярилцаж байгаад “Амьдрал” гэж нэрлэсэн. Рок попын түүхэн дэх хөгжмийн наадам байя гэдэг агуулгаар тоглолтоо төлөвлөөд явж байна.

Үндэсний их баяр наадмаар “Харанга” хамтлагийн ах нар маань “Толин хул” дууг “Татар хамтлагийнхантай хамт шинэчлэн хүргэсэн. Хуучин дурсжээгүй дуунаасаа үзэгчиддээ хүргэнэ. Огт дуулагдагүй шинэ дууг хүргэнэ. “Боловсрол” телевизээр реалити шоу хүргэнэ.

Хөгжмийн зохиолч, хөгжмийн найруулагч, продюсер Н.Халиун:

-“Харанга” хамтлагийн гишүүддээ 35 жилийн ойн баярын мэнд хүргэе. Энэ бол зөвхөн “Харанга” хамтлагийн баяр биш Монголын нийт рок хөгжим сонирхдог урлагийнхны баяр гэж ойлгож болно. “Харанга” хамтлагт сурталчилгаа шаардлагагүй, хувь уран бүтээлчдийнх нь хувьд, хамтлагийнх нь хувьд ч сурталчилгаа давсан уран бүтээлчид байгаа.

Стадионыг яагаад сонгосон бэ гэвэл сүүлийн таван жилд анзаарч байгаа байх. Стадионд болж байгаа шоуг зохион байгуулж сурсан, оролцож сурсан,  үзэж сурсан. “Харанга” хамтлаг маань стадионд анх удаа тоглох гэж байгаа, 35 жилд анх удаа тоглолтоо хийх гэж байна. Сүүлийн тоглолт биш байх гэж найдаж байна. Стадиан өөрөө сайхан болж байна. Стадионд дуугарах хөгжим бүх нөхцөл хангагдсан.  Сүүлийн үеийн хөгжмаар хангагдсан байгаа, тийм учраас стадионыг сонгосон.

“Харанга” хамтлаг маань уран бүтээлийн хувьд маш олон дуутай,. “Харанга”-ын дуугаар амьдарч байгаа маш олон дуучид бий. “Харанга” хамтлагийн дуугаар учирсан хосууд маш их байдаг. “Харанга” хамглагийн дуугаар хүүхдүүдээ нэрлэсэн маш олон хүмүүс бий.

Фестиваль наадам гэдэг утгаараа өдөржин болно. Стадион 14.00 цагаас нээгдэнэ. Эхний арга хэмжээнд залуу хамтлагууд, спонсорууд оролцоно. дараа нь олон тооны хамтлаг фестиваль маягаар оролцож байгаад цагтаа “Харанга” хамтлаг ийнхан маань тоглолтоо хийнэ. Бусад тоглолтын нарийн мэдээллийг үзэгчид ирж амталсан нь зөв болов уу.

Энэ удаагийн “Харанга” хамтлагийнхны маань тоглолт том үйл явдал юм. Монголын рок попын түүхэнд тэмдэглэх хэмжээний үйл явдал учраас маш том ач холбогдол өгч ажиллаж байна. Олон улсын стандарт хангасан шоу болно гэж ойлгож болно гэлээ.

“Харанга” хамтлагийн 35 жилийн ойд зориулсан “АМЬДРАЛ” амьд хөгжмийн наадмын Ерөнхий зохион байгуулагчаар “PPL”, хамтран зохион байгуулагч “M Karaoke” ажиллаж байна.

Г.ХОРОЛ