Мөнхийн реп, Flash, Outlaw, No name хамтлагууд “All in HIT” тоглолтыг энэ сарын 9-нд HIT PARK-т хийхээр болсон байна. Энэ талаар хамтлагийн гишүүд өнөөдөр /2024.08.04/ мэдээлэл хийлээ.

“Ардын дуу шиг болсон хип хоп 70 гаруй хит дууг дуулна. Сонсогч фэнүүдийн маань хувьд мэдэхгүй нэг ч дуу байхгүй учир бүгд дагаж дуулах болов уу. Бид өмнө нь хамтарч тоглолт хийж байгаагүй.  Энэ удаа хамтдаа дуулах болсон нь тоглолтын онцлог юм. Мөн зочин уран бүтээлчдээр  Гала, Next зэрэг хамтлагууд дуулна. Үзэгчид бол бидний хувьд хүндэт зочид.  Үзэгчдээ тоглолтоос сэтгэл дүүрэн гаргах тал дээр дөрвөн хамтлаг ажиллаж байна" гэсэн юм.

Тоглолт болох HIT PARK-т 00, хогийн сав, гарц орц, зогсоол зэргийг шийдвэрлэсэн.

Мөн тоглолтын талбайд шар айргийн 18, коктейлийн зургаа, ус ундааны зургаа, хоолны 13, электрон тамхины хоёр асрыг байршуулна.

Тасалбарыг Shoppy.mn, Ticket.mn, GS25-н бүх сүлжээ дэлгүүрүүдээр борлуулж буй ажээ.