НЭМЭЛТ:

Мээрим Жуманазарова хагас шигшээд Нигерийн Блессин Оборудудуг ялснаар финалд шалгарав. Ингэснээр Э.Дэлгэрмаа дагах барилдаан хийх боллоо. Түүний өрсөлдөгч нь Японы Нонока Озаки. Хоёр тамирчны ялсан нь хүрэл медалийн төлөө Блессин Оборудудутай барилдана.

Э.Дэлгэрмаа эхний үед 3-0 гэсэн харьцаатай тэргүүлсэн ч хоёрдугаар үед Мээрим Жуманазарова найман оноо авч, 8-3 гэсэн харьцаатай яллаа. Хэрэв Мээрим Жуманазарова финалд хүрвэл Э.Дэлгэрмаа дагах барилдаан хийнэ.

Парисын олимпод оролцож буй Монголын баг тамирчдын өнөөдрийн/2024.08.05/ хуваарийг хүргэж байна.

ЧӨЛӨӨТ БӨХ – 21:00 цаг

Өнөөдөр чөлөөт бөхийн тэмцээн эхэлж байна. Монголын багийн салхийг эмэгтэйчүүдийн -68 кг-д Э.Дэлгэрмаа хагална. Тэрбээр эхний тойрогтоо Киргизстаны Мээрим Жуманазароватай учраа таарав. Өдгөө 25 настай Э.Дэлгэрмаа сүүлийн үед амжилт тун өндөр байгаа. Тухайлбал, өнгөрсөн оны дэлхийн аваргаас мөнгөн медаль авснаас гадна Азийн наадмаас хүрэл медаль авсан юм. Харин энэ жил Бишкект болсон Азийн аваргаас хүрэл медаль, Яшар Догугийн тэмцээнээс алтан медаль хүртсэн амжилттай.

Тэгвэл түүний өрсөлдөгч Мээрим Жуманазарова нь 24 настай бөгөөд Токиогийн олимпоос хүрэл медаль авч, 2020 онд дэлхийн аварга болж байсан нэгэн. Түүний хувьд Токиогийн олимпод хүрэл медалийн төлөө Монголын шилдэг тамирчин С.Батцэцэгийг 10-1 гэсэн харьцаатай ялж байсан түүхтэй.

Хоёр тамирчин сүүлд Улаанбаатар хотноо болсон Азийн аваргаар учраа таарахад Мээрим Жуманазарова 7-2 гэсэн харьцаатай ялж байлаа.