АНУ Ойрхи Дорнодод нэмэлт байлдааны хөлөг онгоц болон сөнөөгч онгоцуудаа байрлуулах болжээ. Мөн Иран болон түүний итгэмжлэгдсэн төлөөлөгчдийн болзошгүй халдлагаас Израилийг хамгаалахад туслах болно гэж Пентагон мэдэгдэв. Учир нь Хамас бүлэглэлийн удирдагч, Ливаны "Хезболла" бүлэглэлийн гол командлагч Исмаил Ханиегийн амь насыг хөнөөсөн хэргийн улмаас Ойрхи Дорнодод хурцадмал байдал үргэлжилсээр байна.

Пуужингийн довтолгооноос хамгаалах хүчнийг байрлуулахад бэлэн болсон гэж Пентагон мэдэгдээд, Израилийг зэвсгээр хамгаална гэв. АНУ-аас илгээж буй дэмжлэгт баллистик пуужингийн довтолгооноос хамгаалах хүчин чадалтай нэмэлт хөлөг онгоц, устгагч онгоцууд багтсан. Өмнө нь Пентагон Израиль руу мөн адил дэмжлэг үзүүлэх хөлөг онгоц илгээж байсан ба дайсны 300 орчим нисгэгчгүй онгоц, пуужингуудыг бараг бүгдийг нь устгасан.

Харин Ойрхо Дорнодо Ираны удирдагч Аятолла Хаменеи Ханиегийн амийг хөнөөсөн Израилийг хатуу шийтгэнэ гэж амлаж, гурван өдрийн үндэсний гашуудал зарлажээ. Иран болон түүний Газа дахь итгэмжлэгдсэн төлөөлөгч Израилийг буруутгаж, ямар ч тайлбар хийгээгүй байна. Хание нь Хамас бүлэглэлийн ерөнхий удирдагч гэж тооцогддог байсан бөгөөд Газын зурвас дахь дайны гал зогсоох хэлэлцээрт чухал үүрэг гүйцэтгэж байсан юм.

Эх сурвалж: BBC