Солонгос-Монголын хамтарсан арга хэмжээ зохион байгуулагч анхны энтертайнмент компани болох "Evandis Entertainment"-аас алдарт дуучин, жүжигчин Жун Жи Хун буюу Rain Улаанбаатар хотод тоглолтоо хийнэ гэж мэдээлсэн.

Тэгвэл тоглолт болох байршил, хугацааны талаар Хотын захирагч Х.Нямбаатар мэдээлэл өглөө. Тэрбээр "К-поп од, дуучин Rain тэргүүтэй солонгос одод Монголд зохион байгуулагдах фестивальд ирэхээр болсныг дуулгахад таатай байна. Фестивалийг Буянт-Ухаа нисэх онгоцны буудалд есдүгээр сард зохион байгуулахаар төлөвлөсөн" гэв.

Монгол Улс "Go Mongolia" төслийн хүрээнд Улаанбаатар хотод жил бүрийн есдүгээр сард "Дэлхийн одод" фестивалийг зохион байгуулахаар төлөвлөөд байна.