Булган, Орхон, Дархан, Төв аймгийн нутаг, Сэлэнгийн баруун, Архангайн зүүн, Өвөрхангайн хойд хэсгээр наймдугаар сарын 1-2-нд шилжих шөнө ахиухан бороо орно. Маргааш буюу наймдугаар сарын 2-ны өдөр Сэлэнгэ, Төв, Хэнтийн нутгаар их бороо орох төлөвтэй байгаа ажээ. Мөн төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр дуу цахилгаантай аадар бороо, бороо үргэлжлэн орох тул мөндөр, аянга цахилгаан, нөөлөг салхи, болзошгүй үер усны аюулаас сэрэмжтэй байхыг Онцгой байдлын газраас малчид, тээвэрчдэд онцгойлон анхааруулав.