Хамас бүлэглэлийн улс төрийн тэргүүн Исмаил Хание пуужингийн бөмбөгдөлтөд оногдож нас барсан гэж тус бүлэглэл мэдэгдэв. Тодруулбал, Лхагва гаригийн шөнө Ханиегийн Иранд байрлаж байсан орон сууц пуужинд цохигдсон. Үүний улмаас Хание болон түүний бие хамгаалагч нас нь барсан бөгөөд Хамас бүлэглэл Израилийг буруутгаж байна.  Хамасын бүлэглэлийн төлөөлөгч өөрийн цахим хуудас дээрээ "Исламын эсэргүүцлийн хөдөлгөөн Хамас,  манай агуу Палестины ард түмэн, Араб, Исламын үндэстэн, дэлхийн бүх эрх чөлөөт ард түмэн эмгэнэл илэрхийлж байна. Бидний ах, удирдагч, хөдөлгөөний тэргүүн Мужахид Исмаил Хание алагдсан. Түүнийг Тегеранд оршин сууж байх үед нь хөнөөсөн" гэж нийтэлсэн байна. Ираны ерөнхийлөгч Масуд Пезешкян Хамас бүлэглэлийн улс төрийн тэргүүн нас барсан явдалд Тегеран болон засгийн газар ямар ч хамаагүй гэж тайлбарлажээ.

Израилийн ерөнхий сайд Беньямин Нетаньяхугийн хувьд Иран дахь итгэмжлэгдсэн төлөөлөгчөөрөө дамжуулан Хамас, Хезболла нар цохилт өгсөн гэж мэдэгджээ.

Тиймээс Ханиегийн нас барсан явдалд холбогдож байна гэж Хамас үзэж буй. Хание нас барсан тухай мэдээ гарсны дараа Палестин даяар хурцадмал байдал үүсч байна. Ялангуяа сүүлийн арван сарын турш Газын зурваст Израиль– Хамасын эсрэг дайн өрнөж байх үед Хание нас барснаар дайныг улам хурцадмал болгож магадгүй. Мөн Ираны дэмжлэгтэй Ливаны Хезболла болон Израилийн хооронд мөргөлдөөн эхэлж байгаа тул Хание нас барснаар дайн даамжрах боломжтой боллоо.  Өнгөрсөн арван сарын хугацаанд Газын зурваст 39,445 палестин хүн амь үрэгдэж,  91,000 гаруй хүн шархаджээ. Хамас бүлэглэл аравдугаар сарын 7-нд Израилийн өмнөд хэсэгт халдлага үйлдэж, 1139 хүний ​​аминд хүрсэн. Мөн 200 гаруй хүн олзолсноор Израиль Газын зурвас дахь Хамас бүлэглэлтэй тэмцэх болсон.

Эх сурвалж:ALJAZEERA