Инди электро поп төрлөөр уран бүтээлээ туурвидаг дуучин Граймс болон Элон маск нар гурван хүүхэдтэй. Гэсэн хэдий ч хосууд тус тусын зам мөрийг хөөсөн бөгөөд Элон Маск хүүхдүүдээ асран хамгаалах эрхийг эзэмшдэг. Дуучин Граймсын хувьд хүүхдүүдээ хамтран асран хамгаалах хүсэлтэй байгаа бөгөөд шүүхэд хандсан юм. Дуучин бүсгүйн ээж өөрийн цахим хаяг дээрээ Элон Маск нь Граймсаас хүүхдүүдийг нь нууж, эх хүүхдүүдийг уулзахыг хориглож байгаа тухай удаа дараа нийтэлсэн байдаг. Мөн хүүхдүүдийг ээжтэй нь уулзуулж, эхийн талын хамаатнуудтай нь танилцуулахыг хүссэн байна.

Жинхэнэ нэр нь Клэр Баучер гэдэг 36 настай Граймс есдүгээр сард Калифорнийн Дээд шүүхэд Маскийн эсрэг  эх байх эрхээ эдлэх нэхэмжлэл гаргасан. Граймс мөн шүүхийн нэхэмжлэлдээ "Маск санаатайгаар нэг хүүхэдтэй минь холбоо тогтоолгодоггүй" гэж бичсэн аж.

Түүний ээж Сэнди Гароссино зээ хүүхдүүдтэйгээ уулзах сүүлчийн арга нь цахим ертөнц гэж үзэн, Маскыг нинжин сэтгэлтэй байхыг уриалаад буй.

Тэрбээр өөрийн "X" хуудас дээрээ "Хүндэт Элон, Аавуудын өдөр чамайг харах сайхан байлаа. Та миний X-д /Маскын хүү/ хийхэд тусалсан картыг авсан гэж найдаж байна. Тэр үүгээрээ их бахархаж байсан. Би тантай холбогдох цорын ганц арга зам нь энэ платформ гэж бодож байна. Өдгөө 93 настай ээж маань насыг нь хөнгөвчлөх эмчилгээнд хамрагдаж байгааг та бүхэн мэдэж байгаа. Тэрбээр Клэйрийн хүүхдүүдийг сүүлчийн удаа харж, тэврэхийг хүсч байна. Тэр тусмаа уулзаж амжаагүй хамгийн жоохон хүүтэй нь уулзахыг хүсч байна. Сайхан сэтгэл гаргахыг хүсье" гэжээ.

Граймс, Маск нар олон жилийн турш үерхэж байхдаа гурван хүүхэдтэй болсон бөгөөд 4 настай X Æ A-Xii буюу X , 2 настай Exa Dark Sideræl буюу Y болон Techno Mechanicus буюу Tau гэж нэрлэгддэг.

Гароссино ээжийнхээ талаар үргэлжлүүлэн хэлэхдээ, "Тэр энэ амралтын өдрүүдэд төрсөн өдрөөрөө зээ хүүхдүүдтэйгээ уулзана гэж бодож, үнэхээр баяртай байсан. Гэхдээ уулзахгүй гэдгээ мэдээд маш их гунигласан. Клэртэй хүүхдүүдийг нь уулзуулахгүйн тулд тэдний гадаад паспортыг хурааж авсан гэх мэдээг сонсоод бид эмзэглэж бас санаа зовж байна. Мөн өнгөрсөн долоо хоногт чиний Вашингтон хотод айлчилсан мэдээ болон X олимпийн тэмцээнд чамтай хамт очсон бичлэгийг үзээд бид их санаа зовж байна. Бусад хүүхдүүд хаана байгаа вэ? Тэднийг чамайг байхгүй үед хэн асран хамгаалж байгаа вэ? Хүүхдүүд шүүхийн шийдвэрийн дагуу эдгээр өдрүүдэд ээжтэйгээ хамт Канадад байх ёстой байсан. Би эдгээр хүүхдүүдийн эмээгийн хувьд чамаас гуйж байна. Тохиролцоондоо үнэнч байж, хүүхдүүдийг бидэнд өгөөч? Өндөр настай эмээг нь нас барахаас өмнө тэдэнд хэрэгтэй бичиг баримтыг нь буцаагаад өгөөч? Гуйя Элон, би чамаас өвдөг сөгдөн гуйж байна. Энэ бүхэн миний ээжид болон хүүхдүүдэд хэцүү байгаа. Цаг хугацаа одоо үнэхээр чухал байна" гэжээ.

Дашрамд дурдахад, Элон Маск гурван эмэгтэйгээс 12 хүүхэдтэй бөгөөд хамгийн том хүү нь хүйсээ солиулсан байдаг.

Эх сурвалж:HOLLYWOOD REPORTER