Өвөрхангай аймгийн Тарагт сум Их булаг багийн Их уул цэргийн хүрээ, Хонин цохио гэдэг газар өчигдөр /2024.07.29/ 17:00 цагийн орчимд аянга бууж 17 бог мал хорогджээ. Тодруулбал 11 ямаа, 6 хонь аянгад цохиулж хорогдсон тухай мэдээллийг тус ангийн малын эмч Онцгой байдлын газарт мэдэгдсэн байна.

Аянга буусан газар аймгийн төвөөс зүүн хойд 10 км, сумын төвөөс зүүн зүгт 45 км зайтай.

Мэдээллийн дагуу тус аймгийн Онцгой байдлын газраас оройн 21:12 цагт очиж, нөхцөл байдалтай нь танилцсан бөгөөд өнөөдөр /2024.07.30/ сэг, зэмийг устгах ажлыг зохион байгуулах юм.

Өнгөрсөн шөнө Архангай, Баян-Өлгий, Булган, Говьсүмбэр, Дорнод, Өвөрхангай, Өмнөговь, Төв, Ховд, Хөвсгөл аймгийн нутгийн зарим газраар бороо орсон. Бусад нутгаар цаг агаар тогтуун байлаа.

Өнөөдөр ихэнх нутгаар солигдмол үүлтэй. Төв болон говийн аймгуудын нутгийн зарим газар, зүүн аймгуудын нутгийн өмнөд хэсгээр бороо, дуу цахилгаантай аадар бороо орно. Ихэнх нутгаар баруунаас 5-10 м/с, борооны өмнө түр зуур ширүүснэ. Монгол-Алтай, Хангай, Хөвсгөл, Хэнтийн уулархаг нутаг, Туул, Тэрэлж голын хөндийгөөр +22…+27 градус, Их нууруудын хотгор, говийн бүс нутгийн өмнөд хэсгээр +34…+39 градус, бусад нутгаар +26…+31 градус дулаан байна.