Монголын баг тамирчдын өнөөдрийн /2024.07.29/ Парисын олимпийн хуваарийг хүргэж байна.

НЭМЭЛТ:

Б.Эрдэнэбаяр дагах барилдаанд Японы Соичи Хашимототой барилдаж, ялагдал хүлээснээр долдугаар байр эзэлжээ.

Л.Энхрийлэн агах барилдаанд Гүржийн Этери Липартелианитай барилдаж, ялагдлаа. Ийнхүү тэрбээр долдугаарт байр эзлэв.

Б.Эрдэнэбаяр хэсгийн аваргын төлөө Молдавын Адил Османовд ялагдал хүлээн дагах барилдаан хийхээр боллоо. Тэрбээр дагах барилдаанд Японы Соичи Хашимототой барилдах болно. Харин Л.Энхрийлэн дагах барилдаанд Гүржийн Этери Липартелианитай барилдана.

Дагах барилдаан 22.00 цагаас эхэлнэ.

Б.Эрдэнэбаяр Испанийн Салвадор Касес Рокаг ялж, хэсгийн аваргын төлөө барилдахаар боллоо. Харин Л.Энхрийлэн хэсгийн аваргын төлөө Өмнөд Солонгосын Хух Мимид ялагдаж, дагах барилдаан хийхээр боллоо.

Б.Эрдэнэбаяр эхний тойрогтоо Швейцарийн Нилс Стампыг ялж, дараагийн тойрогт шалгарлаа.

Л.Энхрийлэн эхний тойрогтоо олимпийн аварга Косовогийн Нора Гжаковаг торгуулиар яллаа.

ЖҮДО

Жүдо бөхийн гурав дахь өдөр эрэгтэйчүүдийн -73 кг болон эмэгтэйчүүдийн -57 кг-ын жингийн барилдаанууд болно. Монгол Улсаа төлөөлөн Б.Эрдэнэбаяр, Л.Энхрийлэн нар өрсөлдөнө.

• Эрэгтэй -73 кг

Б.Эрдэнэбаяр эхний тойрогтоо Швейцарийн Нилс Стамптай учраа таарлаа.

• Эмэгтэй -57 кг

Дэлхийн аваргын хошой хүрэл медальт Л.Энхрийлэн эхний тойрогтоо олимпийн аварга Косовогийн Нора Гжаковатай учраа таарав.

Монгол Улс медалийн чансаагаараа нэг мөнгөн медальтай, 16 дугаар байрт бичигдэж байна. Харин Япон улс дөрвөн алт, хоёр мөнгө, нэг хүрэл медальтай бүх улсуудыг тэргүүлж байгаа бол Австрали, АНУ, Франц, Өмнөд Солонгос, Хятад, Итали, Казахстан, Бельги, Герман улсууд удаалж байна. АНУ 12 медаль хүртэж, медалийн тоогоороо бүх улсыг тэргүүлж байгаа ч чанараараа Япон илүү байгаа юм.