Украины ерөнхийлөгч Зеленский "NHK" телевизэд Оростой хийж буй дайны хэтийн төлөв, АНУ-ын сонгууль болон Японы цаашдын дэмжлэгийн хэтийн төлөв ямар байх талаар ярилаа.  Зеленский Баасан гаригт, Украины нийслэл Киев хотноо ярилцлага өгсөн.

Тэрбээр "Тайван байдал, дэмжлэг болон дипломат дарамт шахалт хамтарч байж дайныг зогсооно. Хэрэв АНУ болон Европын орнууд харилцаагаа улам гүнзгийрүүлбэл Москвад ямар ч боломж олгож чадахгүй" гэж дайны талаар ярьсан.

Орос хоёр жил, таван сарын өмнө Украин руу түрэмгийлснээс хойш гал зогсоох хэлэлцээр амжилтад хүрээгүй. Энэ сарын эхээр Оросын пуужин Киев дэх хүүхдийн эмнэлгийг оносноор 40 гаруй хүн амь эрсэдсэн байдаг.  Өнгөрсөн жил Украины хүчин зүүн болон өмнөд газар нутгаа хамгаалж чадсан гэж мэдэгдэж байв. Гэсэн хэдий ч сүүлийн саруудад Орос довтолгоогоо нэмэгдүүлснээр тус хилийн бүсүүдийг эзлэн авсан бололтой.

Зеленский нэвтрүүлгийн үеэр Орос газар нутгийг барьцаалж байгаа цагт энхийн хэлэлцээр хийх боломжгүй гэж хэлсэн юм. Гэхдээ ирэх арваннэгдүгээр сар гэхэд гал зогсоох хэлэлцээрийг эцсийн түвшинд аваачна гэж онцолжээ.

Мөн АНУ-ын ерөнхийлөгчийн сонгууль ирэх арваннэгдүгээр сард болно. Зеленский сонгуулийн дүн ямар ч гарсан бай тухайн хүнийг дэмжих болно гэжээ. Дональд Трампийн хувьд энэ жилийн сонгуульд хүч түрэн орж ирсэн бөгөөд Украины дэмжлэгийг нэмэгдүүлнэ гэдгээ амласан юм. Киевийн албаны хүмүүс энэ сард Трамп болон АНУ-ын дэд ерөнхийлөгч Камала Харрис нарын сонгуулийн кампанит багтай холбогдсон. Зеленский Трамптай утсаар ярихдаа Украинд айлчлахыг уриалсан байна.

Ярилцлагын төгсгөлд Зеленский Япон улсын дэмжлэг маш чухал болохыг онцолжээ. Тэрбээр "Япон улс бол Их-7 бүлгийн төлөөлөгч бөгөөд бидэнд эдийн засаг, хүмүүнлэг, техникийн дэмжлэг үзүүлсэн. Тэд бидэнд маш хурдан тусламж үзүүлсэн. Япон нь Украинтай аюулгүй байдлын хамтын ажиллагааны гэрээ байгуулсан анхны улс юм" гэжээ. Япон улс Номхон далайн бүс нутгийн тэргүүлэгч орны хувьд Украиныг сэргээн босгоход чухал нөлөө үзүүлнэ гэдэгт Зеленский итгэж байгаа юм.

Эх сурвалж: NHK JAPAN