"Монголынхоо ард түмэнд баярлалаа"

“Парис-2024” зуны олимпийн наадмын эмэгтэйчүүдийн 48 кг-ын жинд 2024 оны Ази тивийн аварга, Душанбе Их дуулга тэмцээний аварга, Абу-Даби-2024 Дэлхийн аварга шалгаруулах тэмцээний алтан медальт, ШШГЕГ-ын Сүлд спорт хороо, Үндэсний шигшээ багийн тамирчин Б.Баасанхүү өрсөлдөж, мөнгөн медаль хүртээд байгаа юм.

Тэрбээр "Анхны олимпийн наадмаасаа мөнгөн медаль авсандаа маш их баяртай байна. Үргэлж тусалж дэмждэг хамт олон, багш нар, гэр бүл, Монголынхоо ард түмэнд баярлалаа" гэв.

Б.Баасанхүү олимпийн наадамд өрсөлдөхдөө C зоонд Мальтийн Е.Катринатай учраа таарч цэвэр, хоёр дахь барилдаандаа Австрийн Кетрингийг цэвэр, хэсгийн аваргын төлөө Парагвайн Нарваез Габриелатай барилдаж ялсан. Улмаар зооны аваргын төлөө Испанийн Мартинез Абелендатай барилдаж нэмэлт цагт ялсан. Финалд “Ханжоу-2022” Азийн наадмын аварга, “Доха-2023” дэлхийн аварга шалгаруулах тэмцээний алтан медальт Цунадо Нацумитай олимпын наадмын алтан медалийн төлөө өрсөлдөж ялагдсанаар 24 насандаа дэлхийн аваргын алтан медаль, олимпийн мөнгөн медальтай болж байна.

Б.Баасанхүү олимпийн мөнгөн медаль хүртсэн Монгол Улсын 12 дахь тамирчин, жүдо бөхийн спортын түүхэнд 5 дахь тамирчин, эмэгтэй жүдочдын олимпын мөнгөн медальтай 2 дахь бөх болж байна. Мөн Монголын жүдо бөхийн баг тамирчид олимпийн наадмаас анхлан медаль хүртсэн түүхэн цаг үеэс хойш 44 жилийн дараа олимпийн медальтан болсон том гавьяаны эзэн боллоо.

3 сэтгэгдэл

Хариулахаа болих

Зочин 9 минутын өмнө 66.181.182.194

Дасгалжуулагчийн ажилд хөндлөнгөөс оролцох нь сөрөг нөлөөлсөөр ирлээ. Ингээгүй бол Баасанхүү шууд алт авах байлаа. Тийм сүрхий юм бол өрсөлдөгчийн хоёр хөлөөрөө өлгөж тонгорох мэхийг заахаа байг гэхэд нэг удаа ч хэлэхгүй яавдаа. Жүдо бөхийн холбоо дасгал сургуулилтад хэн ч хөндлөнгөө оролцож үймүүлэхийг таслан зогсоох цаг болоогүй юү

Хариулах

Нэргүй 24 минутын өмнө 66.181.185.141

Баасанхүү медаль авсаны далимаар хулгайч луйварчин Женко бас их солиорч бнаа, болиод өгөөрэй ! Чи муу хул гайч Монголын жудогийн төлөө хувиасаа юу ч гаргаагүй ш дээ, төрөөс цавчсан олон тэрбумынхаа 0,000001 %-ийг л жүдод зориулсан, бөгсий нь долоож амьдардаг троллу удаараа ихээхэн сэвүүлж байх шив, ер нь явцгүй болсон доо….