Парисын олимпийн боксын тэмцээн өчигдөр/2024.07.27/ эхэллээ. Эхний өдөр эмэгтэйчүүдийн 54 кг-ын жингийн тулаанууд болж, Монгол Улсаас М.Энхжаргал өрсөлдөв. Тэрбээр эхний тойрогтоо Италийн тамирчин 2023 оны ДАШТ-ний мөнгөн медальт, 25 настай Чарааби Сиринэтэй учраа таарч, 5:0 гэсэн харьцаатай хүчтэй өрсөлдөгчөө буулган авчээ.

Түүний шөвгийн 16-ийн өрсөлдөгч Румын улсын тамирчин Ленута Лекрамиоара. Өдгөө 30 настай тэрбээр 2022 оны дэлхийн аваргын мөнгөн медальт, 2024 оны Европын аваргын мөнгөн медальтай аж.

Энэ удаагийн олимпийн боксын төрөлд Монгол Улсаас хоёр тамирчин өрсөлдөж байгаа нь М.Энхжаргал болон О.Есүгэн нар юм. Харамсалтай нь, эрэгтэй боксчид олимпийн эрхээ авч чадаагүй билээ.