НЭМЭЛТ:

Елдос Сметов олимпийн гурав дахь медалиа, анхны алтан медалиа хүртлээ. Елдос Парисын олимпийн финалд эзэн орны Лука Мхейдзег ялжээ. Өдгөө 31 настай тэрбээр Риогийн олимпоос мөнгө, Токиогийн олимпоос хүрэл медаль авч байсан бол энэ удаад дутуугаа гүйцээж, олимпийн аварга болов. Ийнхүү тэрбээр олимпийн иж бүрэн медальтан болж байна. Мөн дэлхий, олимпийн аварга гэж дуудуулахаар боллоо.

Харин хүрэл медалийг Испанийн Франциско Гарригос, Японы Рюүжү Нагаяама нар хүртэв.

Б.Баасанхүү Парисын олимпийн жүдогийн тэмцээний эмэгтэйчүүдийн -48 кг-ын жинд мөнгөн медаль хүртлээ. Тэрбээр финалд Японы Нацүми Цүнодад ялагдал хүлээв. Ийнхүү тэрбээр 24 насандаа дэлхийн аваргын алтан медаль, олимпийн мөнгөн медальтай болж байна.

Энэ жинд хүрэл медалийг Францын Шрине Букли болон Шведийн Тара Бабулфат нар хүртлээ.

Б.Баасанхүү алтан медалийн төлөө Японы Нацүми Цүнодатай барилдана. Өдгөө 31 настай, дэлхийн гурван удаагийн аварга Цүнода хагас шигшээд Шведийн залуу тамирчин Тара Бабулфатыг нэмэлт цагт торгуулиар ялав.

Б.Баасанхүү хагас шигшээд Испанийн Лаура Мартинез Абелендатай барилдаж, нэмэлт цагт ялалт байгууллаа. Ингэснээр тэрбээр мөнгөн медалийн болзол хангаж, финалд шалгарав.

Б.Баасанхүү хэсгийн аваргын төлөө Парагвайн Габриела Нарварезыг ялж, хагас шигшээд шалгарлаа. Түүний дараагийн өрсөлдөгч нь Испанийн Лаура Мартинез Абеленда. Хоёр тамирчны ялсан нь финалд шалгарч, ялагдсан нь хүрэл медалийн төлөө барилдана.

Хагас шигшээд шалгарах боломжтой гэгдэж байсан Италийн Ассунта Скутто, Францын Шрине Букли, Казахстаны Абиба Абужакынова нар хэсэгтээ ялагдаж, дагах барилдаан хийхээр болсон. Мөн Шведийн Тара Бабулфат, Испанийн Лаура Мартинез хоёр таамаг эвдэж, хагас шигшээд шалгарлаа.

Эрэгтэйчүүдийн -66 кг-ын жинд Японы Рюүжү Нагаяама хэсгийн аваргын төлөө Испанийн Франциско Гарригостой барилдаж, ялагдав. Ингэснээр тэрбээр дагах барилдаан хийнэ. Хагас шигшээд Казахстаны алдарт Елдос Сметов, Испанийн Франциско Гарригос, Туркийн Сали Илдиз, Францын Лука Мхейдзе нар шалгарчээ.

Харин дагах барилдааныг Тайванийн алдарт Ян Юн Вэй, Японы Рюүжү Нагаяама, Гүржийн Георги Сардалашвили, Өмнөд Солонгосын Ким Вон Жин нар хийнэ.

Финалын барилдаанууд 22:00 цагаас эхэлнэ.

Б.Баасанхүү хэсгийн аваргын төлөө барилдахаар боллоо. Тэрбээр Австрийн анзер Катаринаг ялав. Харин Э.Ариунболд Францын Лука Мхейдзед ялагдаж, тэмцээнээ өндөрлүүлжээ.

Парисын олимпийн жүдо бөхийн тэмцээн өнөөдөр/2024.07.28/ эхэллээ. Тэмцээний эхний өдөр эмэгтэйчүүдийн -48 кг, эрэгтэйчүүдийн -60 кг-ын барилдаанууд болно.

• Эрэгтэй -60 кг

Дэлхийн аваргын мөнгөн медальт Э.Ариунболд эхний тойрогтоо Египетийн Сами Ёссриг ялжээ. Түүний хувьд дараагийн тойрогтоо Францын Лука Мхейдзетэй хүч үзнэ.

• Эмэгтэй -48 кг

Дэлхийн аварга Б.Баасанхүү эхний тойрогтоо Мальтагийн Катрына Эспоситог хоёр вазари авч, яллаа. Тэрбээр дараагийн тойрогтоо Хонг Конгийн Вон Ка Лий болон Австрийн Танзер Катарина нарын ялсантай нь хүч үзнэ.