Парисын олимпийн нээлтийг тойрсон магтаал, шүүмжлэл цахим орчинд хүчтэй өрнөж байна. Завьтай парадаас эхлээд олимпийн галт бамбарыг аялуулах үед бага зэргийн алдаа гарч, үүнийг нь гярхай үзэгчид зүгээр өнгөрүүлсэнгүй. Тэгвэл бас нэгэн ноцтой алдаа гарсан нь морьтой эмэгтэй олимпийн далбааг ёслолын албаныханд хүлээлгэн өгөхөд далбааг буруу харуулж, ишэнд зүүжээ. Үүнийг зохион байгуулагчид ч анзаарч, хийсгэх ёстой далбааг хийсгэсэнгүй.

Та бүхэн сайн харвал олимпийн далбааг доош харуулж, ишнээс зүүсэн аж. Цахим орчинд нэгэн хэрэглэгч "Олимпийн далбааг доошоо харуулчихлаа" гэсэн бол өөр нэгэн хэрэглэгч "Би бас тэгж харсан. Харчихаад ингэж байх ёстой юм болов уу гэж бодсон. Одоо бодсон чинь буруу байжээ. Хөгжилтэй юм" гэжээ.

Мөн хэрэглэгчдийн зүгээс нээлтийн талаар санал бодлоо хуваалцахдаа "Олимпийн нээлт муу боллоо. Ямар ч олимпийн уур амьсгал алга. Янз бүрийн хэлбэртэй, төрөл бүрийн усан онгоц. Лэди Гагагийн тааруу дуулалт. Энэ бол олимп биш орон нутгийн карнивал байна. Амьдралдаа үзсэн хамгийн муу олимпийн нээлт байна" гэв.

Харин хамгийн гайхалтай хэсэг нь Селин Дионы дуулалт байсан гэнэ.