Халдвартай шумуулын төрөл зүйлээс хүнд халдварладаг өөр нэг төрлийн вирус болох "Oropouche"-ийн улмаас дэлхийд хүн нас барсан тохиолдол хамгийн анхны бүртгэгдлээ. Бразилийн Бахиа мужид 30-аас доош насны хоёр эмэгтэй Пүрэв гаригт тус вирусийн улмаас нас барсан байна.

Шинж тэмдэг нь денге чичрэг өвчинтэй төстэй боловч зарим талаараа ялгаатай юм. Одоогийн байдлаар "Oropouche" вирусийн талаарх судалгаа шинжилгээ хомс байгаа тул Бразилийн засгийн газар ард иргэдээ гадагш гарахгүй байхыг уриалаад байна.

"Oropouche"вирусийг анх 1955 онд Карибын Тринидад ба Тобагод улсад илрүүлсэн. Италийн халдварт өвчин судлаач Концетта Кастиллетти хэлэхдээ "Бидний одоогийн мэдлэгээр вирус нь хүнээс хүнд шууд дамждаггүй. Энэ нь маш чухал юм" гэсэн байна. "Oropouche" вирус нь хүнээс хүн хооронд халдварлахгүй. Ингэснээр тус вирус бусад орон, газруудад "Covid-19" вирус шиг тархахгүй юм. Зөвхөн шумуулд хазуулсан тохиолдолд вирусээр өвчилнө.

Бразилийн эрүүл мэндийн албаныхан жирэмсэн эмэгтэй "Oropouche"вирусээр өвчилсөн тохиолдолд урагт нөлөөлөх эсэхийг судалж байна гэж Пан Америкийн эрүүл мэндийн байгууллагаас (PAHO) мэдээлэв.

Одоогоор өмнөд америк, төв америк, карибын тэнгисийн зарим хэсэгт "Oropouche"-ийн тохиолдол бүртгэгдээд байна. Бразилийн эрүүл мэндийн яамны мэдээлснээр тус улсад 2024 онд 7,236 тохиолдол бүртгэгдсэн байна. Бразил, Боливи, Перу, Куба, Колумби зэрэг таван улсад энэ жил "Oropouche" вирусийн 7700 гаруй тохиолдол илэрсэн гэж "PAHO"  мэдээлэв.

ШИНЖ ТЭМДЭГ

АНУ-ын Өвчний хяналт, урьдчилан сэргийлэх төвийн мэдээлснээр, вирус нь халуурах, булчин өвдөх, үе мөч хөших, толгой өвдөж, бөөлжих, дотор муухайрах, жихүүдэс хүрэх, гэрэлд мэдрэмтгий болох зэрэг Денге өвчний шинж тэмдэгтэй төстэй шинж тэмдэг илэрдэг байна. Хэрэв хүндэрсэн тохиолдолд менингит болж нас насанд заналхийлнэ.

"Oropouche" вирусийн эсрэг тусгай эмчилгээ, вакцин байдаггүй. Сэргийлэх хамгийн сайн арга нь шумуулд хазуулахгүй байх, шумуулаас өөрийгөө хамгаалах юм.

Денге, чикунгунья зэрэг бусад вирусүүдтэй харьцуулахад энэ вирусийн талаарх мэдээлэл хомс. Энэ оны эхээр "The Lancet" сэтгүүлд нийтлэгдсэн тоймд уг вирусийг "Үл тоомсорлодог аюулт өвчин" гэж тодорхойлсон байна. Энэхүү тоймд цаашид "Oropouche" вирус нь өргөн тархаж, эрүүл мэндийн ноцтой асуудал үүсгэх чадвартай тул "их хэмжээний аюул заналхийлж болзошгүй" гэж бичжээ.

Эх сурвалж: THE TIMES OF INDIA