"Eras Tour" нь Америкийн дуучин, ая зохиогч Тэйлор Свифтийн зургаа дахь тоглолт юм. Түүний тоглолт 2023 оны гуравдугаар сарын 17-нд АНУ-ын Аризона мужийн Глендейл хотод эхэлсэн бөгөөд 2024 оны арванхоёрдугаар сарын 8-нд Канадын Ванкувер хотод дуусахаар төлөвлөж буй. Нийт таван тивийг хамарсан 152 шоунаас бүрдэх тоглолт нь түүхэн дэх хамгийн өндөр орлоготой аялан тоглолт болж, нэг тэрбум ам.долларын орлого олсон. Мөн Тэйлор Свифтийн тоглолтоо хийсэн олон хотын эдийн засаг өсдөг аж.

Түүний тоглолтыг үзэх шүтэн бишрэгчид нь байр, хоол, аялал гээд дор хаяж 1000 ам.доллар зарцуулдаг юм.

Тэйлорын дараагийн аялан тоглолт Лондон хотноо болох бөгөөд үнэ төлбөргүйгээрээ онцлог болно. Түүнчлэн долдугаар сарын 27-ноос есдүгээр сарын 8-ныг хүртэл Лондон хотын Виктория ба Альбертийн музейд дуучны эд хэрэгсэл, хувцас, гоёл чимэглэлийг дэлгэн үзүүлэхээр болжээ.

Тэйлор Свифтийн тусгай үзэсгэлэнг “Songbook Trail” гэж нэрлэсэн ба дуучны замналыг харуулсан 13 хэсгээс бүрдэх аж. Үзэсгэлэнд Тэйлорын хамгийн алдартай дууны клипнүүдэд өмссөн даашинз дэлгэгдэнэ.

Жишээ нь, энэ онд гаргасан “Fortnight” дууны клипэнд өмссөн хар даашинз, 2023 оны “Speak Now” цомгийн нүүр зурган дээр гарсан лаванда цэцгийн өнгөтэй даашинз байх бөгөөд нийт 16 хувцсыг үзүүлэх гэнэ. Мөн 2008 онд “Fearless” аялан тоглолтынхоо үеэр “Love Story” дуугаа дуулах үеэрээ өмссөн хувцас, 2006-2007 оны “Soul2Soul II” аялан тоглолтын үеэр хэрэглэсэн “Taylor Koa” гитар зэрэг эд зүйлсийг ч мөн дэлгэх юм.

Эх сурвалж: CNN