Зуны улиралд иргэд аялж зугаалахын зэрэгцээ, амралт сувилалд амарч биеэ эмчлүүлдэг. Монгол Улсад 250 орчим анагаах увдистай нуур, рашаан байдаг аж. Энэ удаад хамгийн эрэлтэй сувиллын мэдээллийг сурвалжлан хүргэж байна.

АВАРГА ТОСОН РАШААН, ШАВАР НЬ ХАРШИЛ, ҮЕ МӨЧНИЙ ӨВЧИНД САЙН

Ямар нэгэн арьсны өвчтэй, харшилтай, үе мөч өвддөг, сахартай хүмүүс Аварга тосон рашаан, сувиллын газрыг зорьж очвол үр дүнтэй байдаг аж. Нуурын ус карбонатын төрөлд багтах шорвог устай. Эрдэсжилтийн хувьд давслаг амттай бор саарал өнгөтэй, шүлтлэг. Нуурын усан дахь содын найрлага 83 хувь хүрдэг байна. Аварга тосон нуурын ус, эмчилгээний хар, шар шавар, Аваргын рашаан нь арьсны болон харшил хордлогын нөлөөтэй бүх эмгэгүүд, чихрийн шижин, дотоод шүүрэл бодис солилцооны эмгэгүүд, мэдрэлийн тогтолцооны эмгэгүүд, үе мөчний хэрх өвчин, хамар хоолойн эмгэгүүд, гэмтлийн дараах үеийн эмгэгүүдийг эмчлэх илааршуулах үйлчилгээтэй ажээ.

Тус газар нь Улаанбаатар хотоос 270 км зайд Хэнтий аймгийн Дэлгэрхаан суманд байрладаг. Жилд 30 орчим мянган хүн очдог гэх судалгаа бий.

Үйлчлүүлэгчиддээ гурван төрлийн шавар эмчилгээ, физик эмчилгээ зэргийг хийдэг байна. Халуун бүлээн шавар нь үе мөч, ууц нуруунд сайн харин хүйтэн шавар нь арьс харшил /диатез, псориаз буюу хайрст үлд, чонон хөрвөс зэрэгт сайн аж. Сүүлийн жилүүдэд Монголд харшлын өвчлөл нэмэгдэж байгааг эмч, мэргэжилтнүүд сануулах болсон. Энэ төрлийн өвчтэй хүмүүс ирэх нь нэмэгдэж буйг Аварга тосон рашаан сувиллын газрын маркетинг борлуулалтын менежер Б.Оюун-Эрдэнэ хэлэв. Тухайн хүний биеийн байдал, өвчний зовуурь, оношоос шалтгаалаад эмчилгээг хийдэг ажээ.

Рашаан утлагын эмчилгээ мөн хийдэг юм байна. Хүйтэн рашаан буюу Аураг рашаан гэж бий. Уг рашааныг элэг цөс ходоод сахрын өвчлөлд уухад үр дүнтэй.

Мөн хүүхдийн хоолой утдаг юм байна. Энэ эмчилгээнд хүмүүс ам сайтай байдгийг Б.Оюун-Эрдэнэ хэлсэн юм. Тэрбээр "2020, 2021 онд сувиллын газрын нуурыг цэвэрлэх ажил хийгдэж үйлчлүүлэгч хүлээж аваагүй. Энэ жил зургаан сараас эхлэн үйлчлүүлэгчээ авсан. Зургадугаар сараас есдүгээр сарп үйл ажиллагаа явуулдаг улирлын чанартай сувилал. Үйл ажиллагаагаа эхлэхийн өмнө нуураас дээж авч лабораторид шинжүүлдэг. Танайд ирж хүйтэн рашаанаар хүүхдийнхээ хоолойг утсан. Бүтэн жил хүүхдийн маань хоолой өвдсөнгүй гэдэг. Эрүүл мэндийн даатгал, магадлан итгэмжлэл хоёр нь өөр. Манай сувиллын хувьд магадлан итгэмжлэгдсэн.

Тэгэхээр манай сувилалд тэтгэврийн болон хөгжлийн бэрхшээлтэй иргэн амрахаар болбол төлбөрөө 100 хувь төлж амарчхаад дараа нь өөрийн аймаг сум, хорооны халамжийн газраас төлбөрийнхөө 50 хувийг буцааж авна" гэв.

Энэ жилийн хувьд эрүүл мэндийн даатгалаар үйлчлэхгүй байгааг хэллээ.

Аварга тосон рашаан сувилалд сувилуулахад өрөөний үнэ харилцан адилгүй. Энгийн болон гэр бүлийн өрөө гэж байдаг аж. Энгийн өрөө нэг хүний 65-95 мянган төгрөгийн үнэтэй. Улирлын хямдрал зэргээс хамаарч үнэ нь сар бүр хэлбэлздэг байна. Хүүхдийн нэг өдрийн төлбөр наснаасаа хамаарч харилцан адилгүй.

Мөн 2-5 настай хүүхэд өдрийн эмчилгээ хоолны үнэ нийлээд 35 мянга бол 6-11 настай хүүхэд 55 мянган төгрөгөөр амардаг байна. Аварга тосон рашаан сувилалд зүрх судасны өвчтэй, артерийн даралт өндөр, ямар нэг хууч өвчин сэдэрсэн үед орж болдоггүй юм байна. Эмчилгээ хийлгэсний дараа 14-өөс дээш хоног гам барих хэрэгтэй байдаг байна.

Халууны хэмжээ их, сул эрдэсжилттэй рашааны онцлог нь биеийн дулааныг дээшлүүлж, үрэвслийг түргэн илаарьшуулах, үе, булчин, ясны зэрэг архаг өвчнийг засахад илүү тохиромжтой байдаг байна.

Том хүн /12-оос дээш нас/ нэг өдрийн 70 мянган төгрөг үүнд хоол, эмчилгээний үнэ багтжээ. Энэ үнэ нь эрүүл мэндийн даатгалаар хөнгөлөгдсөн үнэ аж.

• Оргил рашаан сувилал

• Хужирт рашаан сувилал

• Баатарван амралт сувилал 

Тус рашаан сувилал нь магадлан итгэмжлэгдсэн тул өндөр настан, хөгжлийн бэрхшээлтэй иргэн нийгмийн даатгалаараа хөнгөлөлт эдлэх боломжтой аж.