“Tesla” болон “Space X” компанийн гүйцэтгэх захирал Элон Маск  хүүхдэдээ бэлгийн бойжилтыг хориглох эмчилгээ хийлгэх зөвшөөрөл олгосон гэв. Гэхдээ зөвшөөрөл олгохдоо ямар эмчилгээ гэдгийг нь мэдэлгүй өгснөөр өөрийгөө хууран мэхлэгдсэн гэжээ.

Тэрбээр “ Энэ бол үнэхээр муу зүйл. Хүүхдийн тархийг насанд хүрээгүй хүмүүс хүссэнээрээ угааж чадна. Өөрийгөө хэн гэдгээ бүрэн таниагүй, буруу хүйстэй төрсөн байх гэж боддог хүүхдүүдэд ийм төрлийн эмчилгээ хийж байгаа нь муу зүйл юм” гэж дааврын эмчилгээ хийдэг эмч нарт хандаж хэлсэн байна.
Маск үргэлжлүүлэн “ Энэ миний том хүүхдүүдийн нэгэнд тохиолдсон. Хавьерт тохиолдсон. Би зөвшөөрөл олгохдоо хууртагдсан байсан. Би яг юу болоод байгааг ойлгоогүй байсан.  Covid-ийн үе байсан болохоор эмч нар нь Хавьерыг амиа хорлож магадгүй гэж надад хэлсэн” гэжээ. Түүний 20 настай хүү Хавьер нь хүйсээ солиулж, Вивиан гэх нэртэй болсон юм.
Калифорнийн Амбан захирагч Гэвин Ньюсом хүүхэд нь өөр бэлгийн чиг хандлагатай бол эцэг эхчүүдэд мэдэгдэхийг хориглосон хуулийн төсөлд гарын үсэг зурсан байдаг. Үүнийг Маск эсэргүүцэж “SpaceX” -ийн төв оффисоо тус мужаас гаргах болжээ.  Дараа нь Маск ялгаварлан гадуурхахын эсрэг үзэл санааны “Woke” хөдөлгөөнийг буруутгасан байна. Тэрбээр “Woke”-өөс болж хүүхэд нь тархиа угаалгаж хүйсээ солиулсан гэжээ.

Хавьер байсан ч нэрээ Вивиан болгосон хүү нь 18 нас хүрсэн даруйдаа хүйс, нэрээ өөрчлөх хүсэлт гаргасан байна. Мөн аавтайгаа холбоотой байхыг хүсэхгүй байгаагаа илэрхийлжээ.

Эх сурвалж: THE ECONOMICS