"1737 Энтертайнмент” компанийн хамт олон “Ride” хамтлагийн тоглолтыг Улаанбаатар хотноо толилуулах гэж байна. Тодруулбал, Мөсөн өргөө цогцолборт 2024 оны долдугаар сарын 31-нд Монголд анх удаа тоглолтоо хийхээр товложээ.

“Ride” хамтлаг нь “My bloody Valentine”, “Slowdive” нарын хамтаар Shoegaze урсгалаар тоглодог дэлхийн шилдэг гурван хамтлагийн нэгээр нэрлэгддэг билээ. Хамтлагийн дуучин, гитарчин Andy Bell 14 настайдаа “The Smiths” хамтлагийн тоглолтыг үзсэнийхээ дараа дуу, хөгжим бүтээж, хамтлагтай болох хүсэл мөрөөдөлдөө хөтлөгджээ.

Ингээд 1988 онд ахлах ангийн сурагч байхдаа хамтлагаа байгуулж, 1991 онд хөгжмийн ертөнцийн домогт “Creation Records”-той хамтран анхны “Nowhere” цомгоо гаргаснаар тэдний уран бүтээлийн замнал эхэлжээ.

“Ride” хамтлаг нь “Creation Records”-той хамтран дөрвөн цомог гаргаснаас “Nowhere”, “Going Blank Again”цомог нь дэлхийн бүх цаг үеийн шилдэг Shoegaze цомгийн эхний тавт багтдаг билээ. Тус хамтлагийн 1991 онд Японд хийсэн аялан тоглолтын тасалбар нь хэдхэн минутын дотор дуусч, түүхэн амжилт гаргасан юм. Дэлхийн бүхий л нэр хүндтэй фестивалийн headliner-р уригдаж ирсэн, олонд танигдсан “Ride” хамтлаг Улаанбаатар хотод ирж тоглох ховор боломж тохиож байна. Тэд 2024 оны гуравдугаар сард цоо шинэхэн “Interplay” цомгоо гаргасан нь  дуу хөгжим үргэлж бүтээлч шинэлэг байдгийг дахин баталж чадсан.

Байршил: "Steppe Arena" буюу мөсөн өргөө

Он сар өдөр: 2024.07.31

Хаалга нээх цаг: 20:00

Тоглолт эхлэх цаг: 21:00

Тасалбарын үнэ:  160,000 ₮

Зохион байгуулагч: 1737 Энтертайнмент ХХК