Орон нутгийн замд хөдөлгөөнд оролцож байсан иргэн согтуугаар тээврийн хэрэгсэл жолоодсон тухай мэдээлэл энэ сарын 23-нд олон нийтийн сүлжээнд цацагдсан.  Уг мэдээллийн мөрөөр Тээврийн цагдаагийн албанаас шалгалтын ажиллагаа явуулахад “Toyota Harrier ” маркийн автомашиныг 52 настай иргэн Д жолоодож явж байсныг тогтоожээ. Тухайн машины жолооч согтууруулах ундаа хэрэглэсэн үедээ автомашин жолоодож явснаа хүлээн зөвшөөрсөн байна. Зөрчлийг харьяаллын дагуу шалгаж байгааг Тээврийн цагдаагийн албанаас мэдээлэв.

Согтуугаар тээврийн хэрэгсэл жолоодсон тохиолдолд жолоодох эрхийн үнэмлэх хүчинтэй үед, нэг жилээр жолоодох эрхийг хасаж, шүүхээр хувийн байдлыг тогтоож 400 мянган төгрөгөөр торгох эсвэл, 7-30 хоног баривчлах хуультай ажээ.

Согтууруулах ундаа хэрэглэсэн үедээ тээврийн хэрэгсэл жолоодохгүй байхыг Тээврийн цагдаагийн албанаас анхааруулав.