Дональд Трамп Хойд Солонгосын удирдагч Ким Жон Унтай нөхөрлөж буйгаа онцолсон. Үүний хариуд ерөнхийлөгч асан Дональд Трампийг  төрийн гадаад бодлогоо хувийн мэдрэмжтэй хольж хутгахгүй байхыг Хойд Солонгос анхааруулжээ.

Трамп 2018-2019 онд Кимтэй гурван удаа уулзсан байдаг. Өнгөрсөн Пүрэв гаригт Бүгд найрамдах намын чуулга уулзалтын үеэр Трамп дахин ерөнхийлөгч болвол Кимтэй тохиролцох төлөвлөгөөтэй байгаагаа хэлсэн байна. Ким ч бас уулзахыг хүсч байгаа гэж Трамп хэлжээ.

Хойд Солонгос төрийн мэдлийн төв мэдээллийн агентлагаар дамжуулан тайлбар нийтэлж, Трампийн хэлсэн үг Хойд Солонгос-АНУ-ын харилцааны хэтийн төлөвийг өдөөж байна гэж мэдэгджээ. Мөн Трамп, Ким нар удаа дараа хувийн захидал солилцож байсан ч төрийн гадаад бодлого, хувийн мэдрэмж хоёрыг ялгах ёстой гэжээ.

Хоёр улсын удирдагчид сүүлчийн дээд хэмжээний уулзалтын үеэр хориг арга хэмжээг зөөлрүүлэх, цөмийн зэвсгээс ангижруулах арга замын  талаар тохиролцож чадаагүй юм. Трамп ерөнхийлөгч байхдаа хоёр талын харилцаанд Кимтэй хувийн онцгой харилцааг тусгах гэж оролдсон ч ямар ч дорвитой эерэг өөрчлөлт авчираагүй гэж шинжээчид үзэж байна.

Трамп ерөнхийлөгч байх үед хоёр улсын хэлэлцээ хэсэг хугацаанд түр завсарлаад байгаа тул Хойд Солонгос түүний  сонгуульд өрсөллөх кампанит ажилд нь оролцмооргүй байна гэжээ.

Эх сурвалж: YONHAP