Хөвсгөл аймгийн Улаан-Уул суманд гарсан ой хээрийн түймрийг цурманд оруулсан байна. Тодруулбал, Улаан-Уул сумын Мунгараг багийн Шар нуур гэдэг газар 2024 оны долдугаар сарын 03-ны өдрийн 14.32 цагт ойн гал түймэр гарчээ.

Онцгой байдлын газрын Гал түймэр унтраах, аврах 27 дугаар ангийн алба хаагчид, Хилийн цэргийн 0257 дугаар ангийн Улаан-Уул сум дахь 0298 дугаар салбарын алба хаагчид, Улсын тусгай хамгаалалтай газрын байгаль хамгаалагчид ойн гал түймрийг унтраах ажлыг зохион байгуулан ажиллаж, өчигдөр /2024.07.22 / 17.00 цагт цурамд оруулсан байна. Түймрийн голомтод өчигдөр 12.00-17.00 цаг хүртэл бороо оржээ.