Тайвань улсад хоёр сар тутам НӨАТ-ын сугалаа явуулдаг. Гэвч гурав болон дөрөвдүгээр сард 10 сая тайванийн доллар (NT) буюу 304 мянган ам.доллар хожсон дөрвөн хүн, хоёр сая "NT"" ам.доллар хожсон таван хүн тус бүр хонжворын мөнгөө одоо хүртэл аваагүй байна.

Тодруулбал, хамгийн өндөр шагнал болох 10 сая "NT" ам.долларыг нийт 17 хүн хожсон бол хоёр сая "NT" ам.доллар хожсон 16 ялагч тодорчээ.

Гэвч хонжворын мөнгөө одоо хүртэл аваагүй есөн хүн байгаа тул тус улсын Сангийн яам эдгээр хүмүүсийг хайж байна. Өнгөрсөн тав болон зургадугаар сарын сугалааны тохирол долдугаар сарын 25-нд болно. Тиймээс дараагийн хонжворын ялагчид тодрохоос өмнө тус есөн хүнийг хайж, мөнгийг нь олгох хүсэлтэй байгаа аж.

Сангийн яам эдгээр есөн ялагчийн хонжворын мөнгийг есдүгээр сарын 5-н хүртэл хадгалахаа мэдэгдсэн бөгөөд хаанаас, хэдэн төгрөгөөр худалдан авалт хийсэн хүмүүс болохыг НӨАТ-ын баримтаар нь олж тогтоохоор ажиллаж байна.

Одоогийн байдлаар, 10 сая "NT" ам.доллар хожсон нэг хүн нь "Uber Eats"-ээр 34 "NT" ам.доллар хоол захиалсан байсан нь тогтоогдсон. Өөр нэг азтан нь Тайчунг дахь хүнсний дэлгүүрээс 26 "NT" ам.долларын ундаа авсан байжээ.

Эх сурвалж: TAIWAN NEWS