АНУ-ын ерөнхийлөгч Жо Байден өнгөрсөн Ням гаригт /2024.07.21/ сонгуульд өрсөлдөх кампанит ажлаа зогсоож буйгаа мэдэгдэж, оронд нь дэд ерөнхийлөгч Камала Харрисыг санал болгов. Тэрбээр өөрийн "X" хуудаснаа "Би Камалаг энэ жил манай намаас нэр дэвшихийг бүрэн дэмжиж байна. Ардчилагчид нэгдэж, Трампыг ялах цаг болжээ" гэж нийтэлжээ. Камала Харрис ерөнхийлөгч Жо Байдены дэмжлэгийг авсан ч сонгуульд өрсөлдөх эсэх нь Ардчилсан намын санал хураалтаар шийдэгдэнэ. Ирэх сар болох Ардчилсан намын чуулган дээр хэн өрсөлдөх нь албан ёсоор шийдэгдэх бөгөөд Камала Харрис хэд хэдэн өрсөлдөгчидтэй нүүр тулах болжээ.

МИЧИГАНЫ АМБАН ЗАХИРАГЧ ГРЕТЧЕН УИТМЕР

Мичиган мужийн амбан захирагчаар хоёр удаа сонгогдсон Гретчен Витмер Дундад барууны Ардчилсан намын хамгийн нэр хүндтэй гишүүн юм. Улс төрийн шинжээчид түүнийг 2028 оны ерөнхийлөгчийн сонгуульд нэр дэвших нь тодорхой гэж үзэж байсан бол одоо боломж гарч ирж байна. Гретчен Уитмер "The New York Times" өгсөн ярилцлагадаа "Би X үеийн ерөнхийлөгчийг 2028 оны сонгуульд ялаасай гэж хүсдэг" гэж хэлж байсан бөгөөд Жо Байден сонгуульд өрсөлдөхгүй гэдгээ мэдэгдсэний дараа Камала Харристай өрсөлдөх хамгийн тохиромжит хүн болжээ.   Тэрбээр 2022 онд Мичиган мужийн Ардчилсан намын гишүүдийн дунд кампанит ажил өрнүүлж, амбан захирагчийнхаа байр суурийг хадгалсан. Тус албыг хашиж байхдаа үр хөндөлт хийлгэх эмэгтэйчүүдийн эрхийг хамгаалах, зэвсгийн аюулгүй байдлын арга хэмжээ зэрэг олон нийтийн дунд тулгамдаад байсан асуудалд анхаарал хандуулсан байдаг. Гретчен Уитмер Байдены адил Трампийг ерөнхийлөгчид тохирохгүй гэж үздэг аж.

КАЛИФОРНИЙН АМБАН ЗАХИРАГЧ ГЭВИН НЬЮСОМ

Калифорнийн амбан захирагч Гэвин Ньюсом Байдены засаг захиргааны хамгийн "ширүүн тоглогч" гэж нэрлэгддэг. Түүнийг энэ удаагийн сонгуульд нэр дэвших хүсэлтэй байгааг олон шинжээчид онцолсон. Ньюсом сүүлийн жилүүдэд консерватив хэвлэл мэдээллийн хэрэгслээр намынхаа гол дуу хоолой болжээ. Тэрбээр өнгөрсөн жил Флорида мужийн амбан захирагч Рон ДеСантистай хийсэн мэтгэлцээний үеэр хэр чадварлаг удирдагч болохоо баталсан гэж хэлж болно. Жо Байден сонгуулийн кампанит ажлынхаа хүрээнд Ньюсомыг үргэлж хажуудаа байлгадаг байсан. Жишээ нь долдугаар сард Ардчилсан намын дарга уулзалтад Байдентай хамт оролцсон бөгөөд Мичиганд болсон кампанит ажлыг удирдаж ажилсан юм.  Байден сонгуулиас нэрээ татаж буйг мэдсэн Ньюсом өөрийн цахим хуудсаараа дамжуулан Камала Харристай өрсөлдөхөд бэлэн байна гэдгээ мэдэгджээ.

АРИЗОНАГИЙН СЕНАТОР МАРК КЕЛЛИ

Сансрын нисгэгч, ахмад дайчин асан Келли нь 2022 оны дунд хугацааны сонгуульд ялалт байгуулж байсан. Энэ удаагийн ерөнхийлөгчийн сонгуульд нэр дэвших бол Аризона мужаас хамгийн их санал авах нь баараггүй. Трампийн хувьд сонгуулийн урьдчилсан шатны санал хураалтаар хамгийн олон саналыг авсан ч Келли "тоглоомд" орох бол ширүүн тулаан өрнөнө.

Марк Келли нь 2011 онд Аризона мужид болсон олон нийтийн халдлагыг үеэр хүнд шархадсан Төлөөлөгчдийн танхимын төлөөлөгч асан Габби Гиффордсын нөхөр юм. Ардчилсан намын гол кампанит ажил нь зэвсгийн хяналтыг сайжруулах тул Келли энэ тал дээр илүү мэдлэгтэй байх нь гарцаагүй. 

КЕНТАККИ МУЖИЙН ЗАХИРАГЧ ЭНДИ БЕШИР

Бешиар намын гишүүд дундаа нэр хүндтэй. Тэрбээр 2019,2023 оны мужийн сонгуульд ялалт байгуулж байсан. Түүний кампанит ажил нь олон нийтийн боловсролыг дэмжих, нөхөн үржихүйн эрхийг хамгаалах зэрэг байсан юм. АНУ-ын 2020 оны ерөнхийлөгчийн сонгуульд Кентакки мужийн нийт иргэдийн 25 гаруй хувь нь Дональд Трамп саналаа өгсөн байдаг. Энэ нь үлдсэн санал өгөгчид Ардчилсан намд саналаа өгсөн гэсэн үг бөгөөд Энди Бешир гол үүрэг гүйцэтгэгч байжээ. Өдгөө 46 настай Бешир улсынхаа хамгийн залуу засаг дарга нарын нэг боловч 2028 оны сонгуульд өрсөлдөх эсэх нь эргэлзээтэй. Тиймээс энэ удаагийн сонгуульд оролцож хүчээ үзэж магадгүй.

ХОЙД КАРОЛИНА МУЖИЙН ЗАХИРАГЧ РОЙ КУПЕР

Хойд Каролина муж 2016 болон 2020 оны ерөнхийлөгчийн сонгуульд Трампийн сонгосон. Гэсэн хэдий ч Шарлотт, Ролей зэрэг томоохон төвүүдийн тусламжтайгаар тус мужийн хүн ам өдрөөс өдөрт нэмэгдэж байгаа бөгөөд үүнд Рой Купер нөлөөлсөн байдаг. Тэрбээр Ардчилсан намын хүчирхэг гишүүн бөгөөд сонгуульд өрсөлдөх сонирхолтой байгаагаа илэрхийлжээ. Камала Харрис мөн Хойд Каролина мужийн Ардчилсан намын гишүүдийнхээ дэмжлэгийг авах гэж тус муж руу хэд хэдэн удаа очиж байсан удаатай.   Купер 1987 оноос хойш төрийн албанд ажиллаж байгаа бөгөөд нэр хүндтэй байхын зэрэгцээ гүн гүнзгий мэдлэгтэй нэгэн. Тэрбээр Танхим болон Сенатад сууж байсан бөгөөд, мужийн ерөнхий прокуророор сонгогдсон байжээ. Нийт 16 жил ерөнхий прокуророор ажиллаж байсан Купер 2017 онд мужийн захирагч болсон бөгөөд 2020 онд албан тушаалын бүрэн эхт хугацаагаа сунгасан юм.

Эх сурвалж: ASSOCIATED PRESS