Долдугаар сарын  26-ны өдөр Франц улсын нийслэл Парис хотноо зохион байгуулагдах эв нэгдлийн бэлгэдэл болсон Олимпын их наадмын нээлт болно. Энэ өдөр Монгол Улсын хамгийн том төрийн далбааг дэлгэхэээр болжээ.

Тус наадамд Монгол улсаас есөн төрөлд 33 тамирчин оролцохоор болсон.  Үүнтэй холбогдуулан үндэсний тусгаар тогтнол, эв найрамдал, цог хийморийн бэлгэдэл болсон бахархалт төрийн далбаагаа 90м*45м буюу 4050м2 хэмжээгээр монгол оёдолчдын баг мэргэжлийн чадвар, ур ухааныг шингээн, эх орондоо бүтээжээ.  "Уулан дээр дэлгэсэн дэлхийн хамгийн том төрийн далбаа" Гиннесийн амжилтыг шинэчлэн тогтоож,  эх орноо төлөөлөн эр зориг, тэсвэр хатуужлаа сорих Монголын баг тамирчдадаа монгол ард түмний эв нэгдэл, сүр хүчээр бэлэг барин, Олимпын тэнгэрт Монгол Улсынхаа төрийн далбааг өөд өөд нь мандуулахыг бэлгэдэн, амжилт хүсэж, Монгол Улсаа дэлхий дахинаа сурталчлах зорилготой.