Италийн ерөнхий сайд Жоржиа Мелонийг олон нийтийн мэдээллийн хэрэгслээр шоглосон сэтгүүлчид ойролцоогоор 5400 ам.долларын торгууль төлөх шийдвэрийг Миланы шүүх гаргалаа. Түүнчлэн, сэтгүүлч Жулиа Кортес 2021 оны аравдугаар сард “X” платформ дээр ерөнхий сайд Мелонигийн өндрийн талаар шоглосон бичвэр оруулсан. Тиймээс түүнийг хүний бие махбодийг шоглон, дээрэлхсэн гэх хэрэгт буруутгаж 1300 ам.доллар төлөхийг шаарджээ.
Шүүхийн шийдвэрийг сэтгүүлч Кортес буруутгаж, “Италийн засгийн газар үзэл бодлоо илэрхийлэх эрх чөлөө, сэтгүүлчдийн эсрэг үзэлтэй холбоотой ноцтой асуудалтай байна” гэж хэлсэн байна.
Ерөнхий сайд Мелонигийн хувьд гурван жилийн өмнөөс сэтгүүлчдийн эсрэг арга хэмжээ авч эхэлсэн. Тухайн үед хэт барууны үзэлтэй Италийн ах дүүс нам сөрөг хүчин байсан бөгөөд Мелони фашист Бенито Муссолинитэй хамт байгаа мэт эвлүүлэг газар авсан. Үүнийг Кортес цахим хаягтаа нийтэлж “Чи намайг айлгахгүй, Жоржиа Мелони.  Эцсийн эцэст та ердөө 1.2 метр өндөртэй. Би чамайг ч харж чадахгүй байна” гэжээ.

Мелонигийн өндөр 1.58 метр болон 1.63 метр гэж янз бүрийн хэвлэл мэдээллийн агентлагууд маргадаг. Кортес шүүхийн шийтгэлийг давж заалдах боломжтой бөгөөд Мелонигийн өмгөөлөгч шийтгэлийн мөнгийг буяны ажилд хандивлана гэж мэдэгджээ.

Эх сурвалж: CNN