Дуучин Адель дуу хөгжмийн салбараас томоохон завсарлага авах бололтой. Тэрбээр Германы “ZDF” телевизийн нэвтрүүлэгт хэлэхдээ, “ Одоогоор надад шинэ дуу хийх бодол алга. Миний сөн хөмрөг хоосон байгаа. Үнэн хэрэгтээ би маш том завсарлага авах сонирхолтой байна. Би гэртээ ч дуу дуулдаггүй. Зүгээр л ядарч байх шиг байна” гэжээ. Адель хамгийн сүүлд 2021 онд цомог гаргасан. Тэр цагаас хойш долоо хоног бүр Лас Вегаст тоглолт хийж байгаа ба саяхан 4,000 суудалтай “ Ceaser’s Palace”-д 90 дэхь тоглолтоо хийжээ. Адель Мюнхенд хийх тоглолтоо дуусгасны дараа завсарлага авна.

Тэрбээр сүүлийн үед үзэгчидтэй маргалдаж, цахим сүлжээнд “Ааштай Адель” гэж хэлэгдэх болжээ.

Түүний Мюнхенд болох тоглолт нь Лас Вегастай харьцуулшгүй юм. Нийт 74,000 хүний суудалтай цэнгэлдэхийг зөвхөн Аделийн тоглолтод зориулж босгож байгаа аж. Мөн тус газарт паб, коктейль зарах лангуу, тусгай хамтлагийн тайз зэрэг “Adele Experience” нэртэй бусад хэсгүүдийг байрлуулна. Зохион байгуулагчид 220 метрийн урттай цэнгэлдэх байгуулж буй нь Гиннесийг номд бүртгэгдэх зорилготой юм.

Эх сурвалж: BBC